VOV4.Jarai - Ngă tui tơlơi črâo trun mơng Anom bruă git gai tơhan wai pơgang guai lŏn ia amăng bruă kơtưn pơgang klin kơtuai tui guai kual Yŭ Dơnung, amăng hơdôm hrơi laih rơgao, Ping gah, Anom bruă git gai tơhan wai pơgang guai tơring čar Ninh Bình hơmâo pơphun jao bruă kơ 40 čô mơnuih apăn bruă, tơhan lĕ ƀing tơhan pơkiăo nao djru bruă ƀơi Anom bruă tơhan wai pơgang guai tơring čar Long An kiăng kơ djru pơgang klin Covid-19.

Đĭ pơhiăp git gai amăng mông jao bruă, Thiếu tướng Lê Quang Đạo - Kơ-iăng khua anom bruă wai pơgang guai tơring čar Ninh Bình juăt pơphun gum hrŏm kjăp hăng gưl Ping gah, git gai hơdôm anom bruă tơhan wai pơgang guai hăng hơdôm tơhan djru wai lăng ƀơi kual giăm guai lŏn ia; wai lăng, kiăo tui lăng, pel ĕp bruă mă mơng ƀing apăn bruă, ling tơhan; ngă klă hơdôm hơdră bruă djru tui tlôn ling tơhan kiăng kơ ling tơhan arăng jao pơgang klin hơđong pran jua, ngă klă bruă jao.

Siu Đoan: Pơblang