VOV4.Jarai - Mơguah lơ 22/3, ơi Bùi Tuấn Quang - Kơ-iăng khua anom bruă pơtô ba mơnuih ƀon sang dêh čar hơmâo mông mă bruă hăng Ping gah plơi prong Pleiku (Gialai) kơ boh than dưi ngă mơng Tơlơi pơsit mrô 120 - KL/TW mơng Ding jum kơđi  čar kiăng kơ tŏ tui pơtrut, hrưn đĭ klă dong, tŭ yua amăng bruă pơjing hăng ngă tui tơlơi pơkă ngă pô (QCDC) ƀơi ƀon lan. Amăng thun blan laih rơgao, Ping gah, gong gai, Jơnum min djop djuai ania mơnuih mơnam, djop khul grup kơđi čar - mơnuih mơnam ƀơi plơi prong Pleiku hơmâo pok pơhai ngă klă tơlơi pơkă ngă pô ƀơi ƀon lan.

 Ră anai, 22 boh să, phươngf hăng djop anom bruă amăng plơi prong hơmâo hơkrŭ kjăp, Khul git gai, pơtrun hơdôm hơdră bruă hăng jao bruă brơi ƀing ding kơna djơ̆ hăng tơlơi pơkă. Đĭ pơhiăp amăng mông mă bruă, Kơ-iăng khua anom bruă pơtô ba  mơnuih ƀon sang dêh čar Bùi Tuấn Quang lăi pơtong, pơ anăp anai, plơi prong kiăng kơ tŏ tui hruă kjăp ngă tui tơlơi pơsit mrô 120 kah hăng hơdôm hră pơtrun bơdjơ̆ nao djơ̆ hăng tơlơi pơkă ngă pô brơi lăp djơ̆, pơtrut bruă pơplih ngă hră pơ-ar, biă mă ñu lĕ amăng bruă čơkă mă bruă hăng mơnuih ƀon sang hăng kơtưn bưp mơnuih ƀon sang.

Siu Đoan: Pơblang