VOV4.Jarai-Sa hơdră plư phrâo hơmâo [ơi tơring ]ar Gialai. {ing plư arăng gơ`u hyu hơduah jak iâu ană plơi pla pơ]ruh prăk, pioh [ing gơ`u ngă hrom s^ mơdrô hơmâo prăk kơmlai [u sit nik ôh hăng tơlơi s^ mơdrô đa cấp anăn “Sang s^ mơdrô prăk kơ mơnuih [on sang Bitcoin”. Hơdră plư ple] phrâo anai, lăi hơmâo kơmlai lu biă mă djru kơ mơnuih pơ]ruh prăk ta` hơmâo lơi, [ing plư hơmâo pơhrui mă prăk mơnuih [on sang pơ]ruh hơdôm pluh klai prăk laih anun djă prăk đuăi kơdop h^. Tơlơi amu` [ong ia bah liah ia mơdung arăng, hưp ham kiăng hơmâo lơi ta` mơng [ing mơnuih hơmâo prăk anun, kơ[ah tơlơi thâo hluh amăng tơlơi phiăn kơnuk kơna laih anun tơblut h^ amăng luh arăng plư, “pô jăng djai pơdai jăng răm”.

{u anăm bong glăi ôh, hmư\ lăi mơit prăk hơmâo kơmlai lu biă mă, tơdah dưm prăk amăng anom “Bitcoin”, neh Trương Thị Thanh Thanh, do\ [ơi să An Phú, plơi prong An Khê, hyu ]an ling djop anih, wơ\t hăng ]an prăk arăng mă kơmlai lu, hơmâo h^ 120 klăk prăk, pioh pơ]ruh prăk s^ mơdrô đa cấp, `u pơmin đah mơng ta` bơblih tơlơi hơdip. Tơlơi amu` [ong ia bah, liah ia mơdung arăng anun, yua hưp ham kiăng hơmâo prăk ta` laih anun [u thâo hluh ôh tơlơi phiăn kơnuk kơna pơtrun, anun neh Thanh glăm ba tơlơi răm [ăm kơ `u pô prong biă mă. {ing plư, plư giong prăk `u arăng mă  prăk dat đuăi kơ arăng hrup pai hlang, đuăi theng. Bơnah tơlơi pơhing internet s^ mơdrô prăk ple] [lor “Bitcoin”, mơng anai pơklôn, neh ăt kơnang kơ [ing plư anun mơn pơtô brơi mut e\p lăng, ră anai pok lăng [u thâo [uh dong tah. Lơ\m anun, prăk `u ]an prăk phun, prăk kơmlai jai hrơi lu tui, [u thâo mă ano\ hơget ôh tla. Đut jơlan laih neh Thanh kiăng pơdjai drơi pô yơh, `u kơdâo amăng ia bơmun wơi, samơ\ sang ano\ `u hmao [uh pơklaih brơi h^. Truh ră anai, `u hơdor glăi laih, `u hơ[lo\k biă mă bruă `u ngă:

“Prăk kăk ta [u hơmâo dong tah, 10 hrơi ha wơ\t khom nao tla prăk kơmlai arăng. Kâo pơmin klă [iă djai drơi pô đô] yơh dưi pơklaih mơng ano\ dong hnưh ]an prăk arăng mă kơmlai lu anun. Pơmin tui anun yơh, kâo kơdâo trun amăng ia wơi. Kâo [u thâo ano\ ngă dong tah, [uh arăng ngui tơlơi mơdrô prăk kâo ngă hrom mơn, [u thâo kơ bruă mă yua măi komputơr, internet ôh dah. {uh arăng lăi hơmâo kơmlai lu, anun hưp, tơdah thâo kah hăng anai kâo khut khăt [u ngă hrom ôh”.

       Amai  Trương Thị Thanh Thanh lăi pơthâo tơlơi arăng plư `u

Hrom hăng neh Thanh, hơmâo lu mơnuih [on sang pơ plơi prong An Khê hăng hơdôm tơring glông iao gah, amăng tơring ]ar Gialai, ăt le# amăng tơlơi arăng plư mơn, lăi pơ]ruh prăk s^ mơdrô anăn “sang bruă prăk pioh kơ mơnuih [on sang Bitcoin”, iâu klah ]un FXMT4. Kiăng ngă hrom pơ]ruh prăk hơmâo kơmlai ple] [lor anun, mut lăng [ap prăk amăng internet, pơjing rai “Bitcoin” laih anun khom blơi boh [iă `u 1 Bitcoin pioh dưm nao mrô prăk ta amăng [ap pơ[uh mă lơ\m internet, laih anun ta pơmut anăn ta amăng [ap anun hăng s^ mơdrô yơh hăng pô pơko\n, ăt pơtruh nao rai amăng internet soh. Noa sa Bitcoin tui hluai noa đ^ trun amăng anom s^ mơdrô laih anun ră anai noa hơmâo truh 13 klăk prăk. Laih pô git gai ta mơng dlông pơsit brơi, gơ`u amra brơi kơ ta mrô kliăng mut hăng tơbiă mơng [ap prăk amăng internet hăng anăn “fxmt4.us” laih anun mơit nao prăk dong mơng [ap prăk ta “bitcoin” anun ba pioh yua s^ mơdrô hrom hăng abih bang.

Pioh plư lu mơnuih [on sang ngă hrom le\, [ing plư arăng, gơ`u lăi prăk kơmlai truh kơ 144% r^m blan. {u djơ\ kơnong dơ\ anun đô] ôh, gơ`u lăi hơmâo prăk apah jai hrơi đ^ lu, kah hăng tơlơi s^ mơdrô gu\ dlông, hlâo tơdơi, đa cấp, tơdah pô anun lăi pơthâo hơmâo mơnuih pơko\n phrâo ngă hrom ăt [ong prăk kơmlai lu tui. Hăng tơlơi plư djơh hăng anai, kơnong [iă hrơi blan đô], khul s^ mơdrô plư ple] prăk arăng hăng jơlan đa cấp hơmâo pơhrui mă prăk lu laih, gơ`u đuăi yơh, lo\m h^ anăn tơlơi pơkôl pơkă amăng internet theng kơ `u. Mơnuih ngă hrom pơ]ruh prăk laih thâo,  [u hmao dong tah, rơgao mông baih. Ơi Nguyễn An Bình, să Cư An, tơring glông Đak Pơ, tơring ]ar Gialai lăi:

“Ngă hrom gơ`u ta [u thâo mơn dưi mă glăi hă [o# prăk ta mơit anun. Ta [u thâo krăn gơ`u hlơi ôh, [u thâo hlơi pô ngă khoa gơ`u. Sit ta ngă hrom, gơ`u plư ta le\, ta rơngiă rơngiom baih lah. Kâo ăt pơtă laih mơn [ing ngă hrom anun, sit [uh hơdră ngă bruă [u rơđah tui anun, pơdơi mơtam yơh klă hloh, kơ` rơgao mông”.

Tui hăng boh tơhnal e\p lăng blung a aka [u djop ôh mơng kông ang plơi prong An Khê, tơring ]ar Gialai, hơmâo năng ai `u 1.900 ID jing 1.900 “Bitcoin” ngă hrom s^ mơdrô e\p kơmlai prăk kăk pơ anăn mă Bitcoin amăng internet. Dưm dưm hăng rơnoh anun le\, bơblih hăng prăk jing 22 klai prăk, yua mơng mơnuih [on sang amăng kual pơ]ruh hrom. Tơlơi lăp lăi nao le\, amăng mrô 300 ]ô mơnuih hơmâo anăn ngă hrom arăng plư anun, hơmâo 1/3 mrô mơnuih [u thâo mă yua măi komputơr ôh, khom kơnang kơ arăng ngă brơi, jing [ing plư anun mơtam yơh pơtô brơi. Yua dah bruă s^ mơdrô ngă bruă tui tơlơi pơhing amăng internet soh đô], anun bruă e\p tơlơi soh gơ`u tơnap tap biă mă. Thiếu tá, Nguyễn Huy Hoàng, Kơ-iăng khoa grup tơhan pơlih e\p tơlơi soh bơwih [ong huă, gah kông ang plơi prong An Khê, Gialai brơi thâo:

“Anih gơ`u s^ mơdrô ngă anăn amăng internet anai, gơmơi [u thâo ôh măi phun gơ`u pơpă laih anun hlơi pô `u, pơpă tơring ]ar `u do\ [udah dêh ]ar hlơi. Yua kơ anun, bơnah tơlơi pơhing amăng internet anun ră anai răm baih, mơnuih [on sang [u thâo ruk suăi mă prăk pô gơ`u ôh. Lăng nao kơ tơlơi anai, kông ang plơi prong An Khê pơtă pơtăn mơnuih [on sang anăm ngă hrom ôh tuh pơ alin s^ mơdrô  prăk đa cấp anai hu\i rơhyưt biă mă. Laih prăk ta rơngiă ăt ako\n [u thâo lơi hlơi pô `u mă, mơnuih plư ba ta anai ako\n thâo krăn lơi, đah mơng ngă hră tơgu\ kơđi.

Tơlơi amu` le# luh, [ong ia bah liah ia mơdung arăng, yua hưp ham đơi, aka [u thâo hluh dơlăm tơlơi phiăn kơnuk kơna pơtrun, anun yơh, lu mơnuih [on sang pơ]ruh prăk hơmâo anăn amăng đa cấp “Bitcoin” hơdôm rơtuh ]ô mơnuih sư\ rơbư\ rơngiă prăk kăk, [u thâo mă glăi, ako\n thâo e\p pô ngă soh pioh tơgu\ kơđi lơi. Kông ang glăk hơduah e\p, samơ\ tơlơi ]ang rơmang dưi hơmâo mă glăi prăk hă ataih tin đơi yơh gơ\. Anai jing sa tơlơi hrăm prong biă mă ăt kah hăng tơlơi pơthâo brơi khom kơđiăng hloh kơ abih bang mơnuih [on sang kiăng thâo tơlơi soh sat [ing plư pla] s^ mơdrô prăk amăng internet ră anai.

Nay Jek : Pô ]ih hăng pôr