VOV4.Jarai - Tom brơi (8/12), Anom kơsem min bruă pơtom hiăp gum hrom hăng Khua anih jưh pơ ala kơ dêh ]ar Philippines [ơi Hà Nội pơphun bơkơtuai “Tơlơi gum hrom bruă kơplah wah Việt Nam hăng Philippines”.

Pơhiăp amăng mông pok phun, Nai prin tha Nguyễn Hùng Sơn, Kơ-iăng Khua Anom kơsem min pơtom hiăp, lăi rơđah Việt Nam hăng Philippines le\ dua bôh dêh ]ar gum hrom klă, lăi pơthâo lu bôh tu\ yua hrom.

Việt Nam hăng Philippines dưi ]ang rơmang amra gum hrom kơja\p hloh dong amăng hơdôm bruă lu bơnah; pơsir pran gum hrom hăng hơdôm bôh dêh ]ar ding kơna ASEAN pơkon pơtrut pran mut hrom ASEAN, kơtưn bruă phun mơng ASEAN amăng hơdôm tơlơi rơnuk rơnua, bruă ngă mơng kual; pơtrut bruă djă pioh hơđong hluai tui tơlơi phiăn, biă `u [ơi Ia Rơs^ Ngo\.

Bruă bơkơtuai pơdah tơlơi pơkôl hrom kơtang tit mơng Việt Nam hăng Philippines ngă brơi tơlơi rô nao rai dua bơnah nao dơlăm, hơđong hăng kơja\p phik, djru kơ tơlơi rơnuk rơnua, hơđong hăng kơđ^ kyar [ơi kual./.

Siu H’ Prăk: Pô pơblang