VOV4.Jarai - Mơguah tom brơi (16/3), ƀơi anih mă bruă Ding jum Kông ang, Đại tướng Tô Lâm, Khua ding jum Kông ang dêh čar ta git gai mông ngă lơphet čơkă sit nik Grŭp khua pơ ala gưl dlông Khul pơgang rơnuk rơnua dêh čar Nga. Tơdơi kơ mông ngă lơphet čơkă, Khua ding jum Tô Lâm hăng Đại tướng Patrushev Nikolai Platonovich bơkơtuai. Amăng mông bơkơtuai, dua bơnah pơdah pran jua mơ-ak kơ tơlơi pơđĭ kyar bruă gum hrom abih bang kơplah wah dua bôh dêh čar jai hrơi jai dơlăm hloh, ba glăi bôh tơhnal hăng sit nik hloh. Khua Ding jum Tô Lâm rơkâo dua bơnah pok pơhai ba glăi bôh tơhnal dong hơdôm hră pơ-ar kĭ pơkôl, biă ñu lĕ tơlơi pơkôl kơplah wah Kơnuk kơna Nga kơ gum hrom amăng bruă pơhlôm rơnuk rơnua tơlơi pơhing jar kơmar hăng Kơčăo bruă kiăng lom bruă gum hrom dua bơnah amăng bruă pơhlôm hơđong tơlơi pơhing jar kơmar. Pơđut mông bơkơtuai, Khua Ding jum kông ang Tô Lâm hăng Khua čih pioh Khul pơgang rơnuk rơnua Nga Patrushev Nikolai Platonovich lăng laih mông ngă lơphet kĭ pơkôl Hră čih djă pioh kơ gum hrom kơplah wah Ding jum Kông ang Việt Nam hăng Jơnum  min Pel ĕp kơđi tơlơi dêh čar Nga./.

Siu H’ Prăk: Pô pơblang