VOV4.Jarai - Bơyan bơnga Tân Sửu thun 2021, lu sang ano# tơhan plơi, hơdră bruă, sang ano# tơnap tap [ơi tơring ]ar Daknông pơđao pran jua hloh lom dưi hmâo sang do# hơdor tơngiă yua kơ mơnuih apăn bruă tơhan, ling tơhan tơring ]ar [ơk brơi.

Bơyan bơnga thun anai, tơlơi mơ-ak prong hloh hăng sang ano# Đại úy Nguyễn Văn Thăng, [ơi phường Nghĩa Đức, plơi prong Gia Nghĩa, tơring ]ar Daknông glăk mă bruă [ơi Gru\p git gai Khul ling tơhan plơi prong Gia Nghĩa, lom dưi hơd^p amăng sang “Gơnang kơ [ing go\p” yua kơ {irô git gai khul ling tơhan tơring ]ar [ơk brơi. {o# mơta, ano# pe\ tlao mơng hơdôm ]ô mơnuih amăng sang ano# leng kơ mơ-ak phăk biă.

Sang ano# Đại úy Nguyễn Văn Thăng gah sang ano# tơnap tap. Bơnai `u [u hmâo bruă hơđong, ană bă do# anet, laih anun duam ruă, [u ai buai dong. Prăk blan mơng Đại úy Thăng bơwih kơ sang do# [ong huă, pơjrao tơlơi ruă kơ ană bă rah anun akă hmâo tơlơi gal pioh pơdo\ng sang do#, khom hyu apăh sang ara\ng do#. Đại uý Nguyễn Văn Thăng ră ruai: “Dưi hmâo {irô git gai khul ling tơhan tơring ]ar mă yua mơng Keh prăk “Pran jua [ing go\p” djru 80 klăk prăk, adơi ayong amăng puih kơđông gum pơ]ruh hrơi bruă djru pơdo\ng sang, kâo ol kơdol pran jua biă hăng thâo tơngia dong. Tơlơi lăng ba, djru gum le\ pran pơtrut pioh kâo hơđong pran jua mă bruă, ngă giong klă bruă jao.

Jao sang “{ing go\p”

Tui hăng anun, Thượng uý Đào Đình Hạ, [ơi să Dak Lao, tơring glông Dak Mil ră anai glăk mă bruă [ơi Gru\p git gai khul ling tơhan tơring glông Dak Mil ăt hmâo hrom sa tơlơi mơ-ak lom dưi djru pơdo\ng sang “Sang [ing go\p”. Tơlơi hơd^p mơda sang ano# `u ăt tơnap tap mơn lom bơnai `u akă hmâo bruă mă, ană đah kơmơi tal 2 hmâo tơlơi ruă mơng muai [u hmâo nao hrăm hră. Djop gơnam tam, prăk kak leng kơ pioh pơjrao brơi kơ ană anun hơdôm thun hăng anai sang ano# ayong Hạ ăt do# [ơi sang pơkra jăng jai hăng hnal kyâu, glăk răm tui [ơ [rư\ laih.

Thâo hluh hăng gum djru hăng tơlơi mơ-ak mơng Thượng uý Hạ, {irô git gai khul ling tơhan tơring ]ar Daknông hmâo djru laih 80 klăk prăk sang ano# pơdo\ng sang klă hiam hloh. Thượng uý Đào Đình Hạ mơ-ak lăi pơthâo: “Sang phrâo hmâo anih tu\ jum tuai, anih đih pit pha ra klă hiam. Bơni kơ tơlơi gum djru mơng {irô git gai khul ling tơhan tơring ]ar hmâo djru laih kâo ngă tui tơlơi ]ang rơmang lu thun hăng anai.

{u djơ\ kơnong kơ hăng tơhan plơi ôh mơ\, lu sang ano# gah hơdră bruă, sang ano# tơnap tap [ơi tơring ]ar ăt dưi ]ơkă bơyan bơnga amăng hơdôm bôh sang “Sang gum hrom hơbit”, “Sang hơdor tơngia” yua kơ {irô git gai khul ling tơhan tơring ]ar Daknông djru gum, pơdo\ng brơi.

Dưi hmâo tơlơi gum djru 80 klăk prăk pioh pơdong sang do#, ling tơhan hơđăp Thái Thị Đàm, [ơi să Dak Ngo, tơring glông Tuy Đức ol kơdol pran jua ruai glăi:
 “Sang ano# tơnap tap lu thun, ră anai dưi hmâo {irô git gai khul ling tơhan tơring ]ar djru brơi 80 klăk prăk hăng [ing go\p, mơnuih amăng sang ano#, neh wa jum dar gum djru, anun kâo dưi pơdo\ng sang do# phrâo. Hăng kâo, Tết Tân Sửu pơ\ anăp anai sit nik hmâo lu tơlơi mơ-ak yua kơ tal blung a dưi do# amăng sang phrâo, klă hiam.

Tui hăng anun, sang ano# ayong Trần Văn Lợi, tơhan plơi pơdơi bruă [ơi să Quảng Tâm, tơring glông Tuy Đức ăt hmâo pran jua mơ-ak prong mơn lom dưi do# amăng sang hơdor tơngiă yua kơ {irô git gai khul ling tơhan tơring ]ar Daknông pơdo\ng brơi. Ayong Lợi brơi thâo: Hơdôm thun hăng anai, rơkơi bơnai djă pơkrem pioh prăk pơmin pơkra glăi sang do# samơ\ [u djop. Thun 2020, dưi hmâo {irô git gai khul ling tơhan tơring ]ar djru brơi 50 klăk prăk pioh pơdo\ng glăi sang do#, rơkơi bơnai gơ`u mơ-ak biă.

Ngă tui pran jua “Gum djru tơdruă, hla hnil gôm ba hla tơ\i”, {irô git gai khul ling tơhan tơring ]ar Daknông hmâo lăng ba git gai, ]râo ba ngă klă bruă lăi pơhing, pơsur mơnuih apăn bruă tơhan, ling tơhan, mơnuih mă bruă gah khul ling tơhan tơring ]ar djru gơnam tam, hrơi bruă hăng gum pran hrom pơdo\ng hơdôm sang pơđao pran jua thâo tơngia kơ tơhan plơi, sang ano# gah hơdră bruă sang ano# [un rin, tơnap tap kơ sang do#.

Thun 2020, hluai tui bruă iâu pơhrui tơlơi gum pơ]ruh mơng mơnuih apăn bruă tơhan, ling tơhan, [ing thâo tơngia, {irô git gai khul ling tơhan tơring ]ar Daknông hmâo djru pơdo\ng sang, jao kơ 17 bôh sang do# hơdor tơngia, nua rơbêh kơ 1 klai 100 klăk prăk kơ sang ano# gah hơdră bruă, mơnuih hmâo djru ngă hơkru\ đưm, tơhan plơi tơnap tap. Rơngiao kơ djru prăk, mơnuih apăn bruă tơhan, ling tơhan do# djru gơnam mă yua amăng sang ano# hăng djru hrơi bruă dong.

Đại tá Trương Xuân Lai, Khua apăn bruă Ping gah {irô git gai khul ling tơhan tơring ]ar Daknông pơsit: “Rim bôh sang pơdo\ng phrâo le\ tơlơi gir run mơng mơnuih apăn bruă tơhan, ling tơhan tơring ]ar. {u djơ\ kơnong kơ ba glăi tơlơi mơ-ak, tơlơi ]ang rơmang hăng djru dong pran kơ hơdôm bôh sang ano# hrưn đ^ amăng tơlơi hơd^p mơda ôh mơ\, `u do# pơtô brơi mơnuih apăn bruă tơhan, ling tơhan pran jua “[ong bôh hơdor kơ pô pla”, “gum nao rai tơdruă”. Pơ\ anăp anai, {irô git gai khul ling tơhan tơring ]ar Daknông iâu pơhrui dong hơdôm ngăn rơnoh hăng tơlơi gum pơ]ruh mơng mơnuih apăn bruă tơhan, ling tơhan  kiăng hmâo lu hloh dong hơdôm sang do# pơđao pran jua [ing go\p, hơdor tơngia tơhan plơi./.

Siu H’ Prăk: Pô pơblang