VOV4.Jarai-Bruă mă krăo lăng mơng khoa moa pơ ala kơ mơnuih [on sang dêh ]ar le\ jing bruă kiăng pơđ^ tui tơlơi gơgrong mơng anom bruă hơmâo tơlơi dưi prong hloh amăng kơnuk kơna, anom bruă pơ ala kơ mơnuih [on sang dêh ]ar, pơgang tơlơi tu\ yua kơ mơnuih [on sang, mă yua tơlơi dưi kơnuk kơna kơ mơnuih [on sang krăo lăng. Thun blan laih rơgao, hrom hăng bruă ngă tui tơlơi dưi ako\ pơjing tơlơi phiăn hăng pơsit lu bruă pơ prong kơ lo\n ia, bruă mă krăo lăng dlông hloh mơng [ing pơ ala mơnuih [on sang dêh ]ar ta hơmâo lu tơlơi pơblih prhâo, djru hrom bruă mă krăo lăng tu\ yua, ba glăi boh than sit nik. {rô hơdor glăi hơtal 70 thun hrơi Ple\ hră ruah [ing pơ ala mơnuih [on sang dêh ]ar ta hơtal blung lơ 6/1/1946- lơ 6/1/2016, khul mă tơlơi pơhing Lê Thơm hăng Minh Châm hơmâo tơlơi ]ih lăi nao kơ tơlơi anun tui anai.

            {ơi mông jơnum lok 10 phrâo anai, [ing pơ ala mơnuih [on sang dêh ]ar ta hơmâo ngă tui djơ\ bruă krăo lăng dlông hloh amăng bruă ngă tui jơlan hơdră tơlơi pơtrun, tơlơi phiăn pơkă kơ bruă git gai wai lăng, mă yua lo\n tơnah [ơi djop plah anom bruă, plah tơsiong dêh ]ar ta wai lăng mơng thun 2004-2014. Lăng nao kơ abih bang bruă mă [ơi djop plah anom bruă, ngă hmua, wai lăng kyâo glai hơmâo pơ]râo brơi rơđah, bruă krăo lăng mơng [ing pơ ala mơnuih [on sang dêh ]ar ta pơblang tong ten, lăi kơ bruă jao lo\n glai tă tăn, boh tu\ yua [u lu ôh; mă glăi lo\n mơng plah anom bruă ]ar tơnap tap hăng kaih, anun ba truh tơlơi lo\n glai [u hơmâo pô, mơng anun ngă kơ tơlơi arăng kơsing mă lo\n ]a ]ot hơdư\ hor. Ơi Ksor Phước, khoa anom bruă gah djuai ania mơng anom bruă khoa git gai pơ ala mơnuih [on sang dêh ]ar, khoa khul krăo lăng lăi: Kiăng dưi [uh hlom bom amăng bruă mă, khul krăo lăng hơmâo mă bruă gleh glar biă mă, ]ih pioh mrô rơnoh djop kah thâo, `u lăi:

            Sa tơlơi hling hlang biă mă, lăng nao kơ mrô rơnoh, kâo pô hai pơđok nao pơđok rai, ngă hiư\m pă mrô anun sui thun lăng bơkơnar soh ră anai `u pha ra laih. Mrô mơng djop ding jum, djop tơring ]ar lăi pơthâo ăt hnun mơn. {ơi tơring ]ar, hơmâo 10 boh tơring ]ar hơmâo lu plah anom bruă wai lăng kyâo glai, lăi pơthâo [u djop ôh. Kâo brơi ]ih glăi, khom hơmâo. Yua kơ anun, pơtum glăi mrô rơnoh le\ tơnap tap biă mă kơ bruă krăo lăng.

            5 thun laih rơgao, [ing pơ ala mơnuih [on sang dêh ]ar hơtal 13, hơmâo pơphun lu bruă mă krăo lăng bruă mă yua prak mơng kơnuk kơna, gah bruă gru grua boh thâo, pơtô juăt, bruă ia jrao, boh thâo ia rơgơi truh kơ bruă mă bơwih  brơi tơlơi hơdip mơda mơnuih [on sang, lu mơta do\ sư\ rơbư\ kah hăng tơlơi bơwih  [ong huă, dăp glăi bruă mă wai lăng s^ mơdrô gah kơnuk kơna hăng mơnuih [on sang  ngă pô; bruă krăo lăng ngă tui tơlơi phiăn pơgang hơdjă gơnam [ong huă, gơnam s^ mơdrô, bruă ngă tui jơlan hơdră pơhro\ tơlơi [un rin mơng thun 2005-2012...Tơdah hlâo adih, bruă mă krăo lăng mơng [ing pơ ala mơnuih [on sang dêh ]ar kơnang kơ tơlơi pơtrun mơng phiah phiăn, tơlơi phiăn kơnuk kơna le\, ră anai bruă krăo lăng mơng [ing pơ ala mơnuih [on sang khom pơphun nanao, hơmâo tơlơi pơkă rơđah rơđong, phun yom. Lăi nao kơ bruă mă krăo lăng  amăng rơwang bruă hơtal 13, Nai tha prin, nai prin tha Trần Ngọc Đường, Kơ-iăng khoa hơđăp anom bruă kơ khoa git gai pơ ala mơnuih [ôn sang dêh ]ar lăi:

            Kơ bruă krăo lăng mơng [ing pơ ala mơnuih [on sang dêh ]ar ta hơtal 13 hơmâo lu tơlơi pơblih phrâo, anun le\, brơi krăo lăng tong ten djop bruă, kiăng pơgăn tơlơi ngă raih daih hăng hơmâo khoa tơ`a lơm jơnum  [udah tơ`a mơng tơlơi pơhing, anun [uh bruă krăo lăng `u pha ra biă mă, djơ\ pran jua mơnuih [on sang laih anun ngă tui djơ\ tơlơi gơgrong mơng [ing pơ ala mơnuih [on sang dêh ]ar.

            Tui hăng ơi Lương Phan Cừ, kơ-iăng khoa hơđăp, Jơnum min wai lăng djop bruă mơnuih mơnam mơng sang bruă khoa git gai pơ ala mơnuih [ôn sang dêh ]ar le\, kơnang kơ bruă krăo lăng mơng [ing pơ ala, djop bruă do\ tơdu, kơ[ah mơng anom bruă gong gai kơnuk kơna hmao [uh. Mơng anun, hơmâo hơdră djru pơsir ta` djơ\ tơlơi phiăn. Ơi Lương Phan Cừ lăi le\, bruă krăo lăng mơng [ing pơ ala, sa bruă mă [u dưi kơ[ah ôh, ngă tui tơlơi dưi mơng kơnuk kơna:

            Bruă mă krăo lăng hơmâo tơma dlam djop bruă, pơsir brơi ano\ mơnuih [on sang kiăng thâo hluh. Yua bruă krăo lăng anun yơh, pơtrut tui bruă mă mơng kơnuk kơna, gong gai djop tơring ]ar mă bruă tu\ yua hloh. Sa tơlơi tơ`a mơng pô pơ ala `u pơtrut kơ bruă mă amăng kơnuk kơna, pơdjơ\ nao kơ tơlơi git gai kơtang biă mă, kiăng ba glăi ano\ tu\ yua sit nik.

            Amăng bruă mă krăo lăng [uh rơđah, tơ`a bruă mă rơđah rơđong mơtam, anun hơmâo tơlơi tu\ yua. Bruă mă tơ`a amăng mông jơnum, kiăng pơđ^ tui bruă mă, tơlơi pơblih phrâo bruă mă ano\ tu\ yua `u ta` hloh, kiăng huăi rơngiă mông lăi glăi hăng hră ]ih pơthâo. Mrô tơlơi tơ`a, ano\ tu\ yua mơng tơlơi tơ`a mơng [ing pơ ala mơnuih [on sang jai hrơi tong ten. Biă mă `u, [ơi mông jơnum lok 10, khoa moa pơ ala mơnuih [on sang dêh ]ar ta hơtal 13, hơmâo lu khoa moa pơ ala tơ`a djơ\ pran mơnuih [on sang, brơi [ing ding kơna kơnuk kơna khom pơblang rơđah. Tơ`a khoa dêh ]ar wo\t hăng khoa git gai pơ ala mơnuih [on sang dêh ]ar mơtam. yă Trương Thị Ánh Tuyết, pô pơ ala mơnuih [on sang dêh ]ar [ơi [on prong Hồ Chí Minh lăi:

            Hơdră ngă anai klă biă mă laih anun anai jing jơnum lok hơtal rơnu] amăng gưl 13 [ing pơ ala mơnuih [on sang dêh ]ar, bruă mă gleng nao, ju\ yap abih bang tơlơi git gai pơtrun ngă amăng plah rơwang bruă, tơ`a kơ djop khoa ding jum, ding kơna amăng kơnuk kơna dêh ]ar, ngă tui tơlơi pơtrun, boh tơhnal dơ\ pă, lăi pơthâo brơi mơnuih [on sang [uh. Anai le\, bruă mă hiam biă, pơdah rai pran jua mă bruă tơpă pioh kơ [ing pơ ala gưl pơ anăp  lăng tui. Boh yom phun, kâo [uh kơnuk kơna hăng djop anom bruă kơnuk kơna lăi pơthâo pơhaih rơđah bruă dưi ngă hăng aka [u dưi ngă mơng bruă gơ`u ngă, lăi tơpă soh, pơdah thâo hơdră pơsir hơdôm bruă aka dưi ngă pơ anăp anai ăt hơmâo lăi pơthâo soh.

            Khă hnun, bruă mă krăo lăng mơng [ing pơ ala mơnuih [on sang dêh ]ar ăt do\ kơ[ah, kah hăng aka ngă djơ\ tơlơi mă bruă mơng [ing pơ ala, lu tơlơi rơkâo đ^ brơi bruă krăo lăng giong, djop anom bruă kơnuk kơna khom ngă tui khop, tu\ yua hloh tơlơi pơtrun, bruă glăm ba. Kơ-iăng nai tha prin, nai prin tha, ơi Bùi Xuân Đức, Khoa anom bruă gah tơlơi pơtô djơ\ mơng Jơnum min wai lăng djop djuai ania mơnuih mơnam Việt Nam lăi:

            Bruă mă krăo lăng khom pơpu\ đ^. Yua dah [ing pơ ala mơnuih [on sang dêh ]ar hơmâo 3 bruă mă phun, ]ih pơkra tơlơi phiăn, pơsit bruă mă  pơ prong kơ lo\n ia laih anun krăo lăng. Bruă krăo lăng ră anai, mơnuih [on sang do\ tơguan biă mă, ngă hiư\m pă sit nik. Krăo lăng [uh hơmâo tơlơi le\, brơi khom pơsir mơtam, [u djơ\ lăi krăo lăng [uh lui hnun, ngă hnun [u tu\ yua ôh, tơlơi ]ang rơmang mơng mơnuih [on sang hăng bruă mă sit nik aka [u djơ\ ano\ pơtrun, aka djơ\ tơlơi ]ang rơmang mơng [ing pơ ala ôh.

            Yua hơget tui anun, bruă krăo lăng pơhư] lu mơnuih gleng nao yua kơ `u pơdjơ\ nao kơ bruă mă sit nik, pơtrut djop anom bruă kơnuk kơna khom pơsir h^ hơdôm tơlơi do\ kơ[ah, pơđ^ tui tơlơi tu\ yua amăng bruă mă, pơsir tơlơi mơnuih [on sang tơgu\ kơđi, tơlơi mă bruă aka [u djơ\ r^m hrơi. Pơkơđai glăi, hơdôm tơlơi dưi ngă, laih anun tơdah djơ\ pran jua mơnuih [on sang laih, `u pơtrut đ^ bruă mă lăp hăng tơlơi krăo lăng, pioh kơ anom bruă hơmâo tơlơi dưi dlông hloh mơng kơnuk kơna jing anih ưh kơnang mơng mơnuih [on sang, pơgang djơ\ tơlơi dưi, ano\ tu\ yua kơ mơnuih [on sang sit nik mơtam.

Nay Jek: Pô ]ih hăng pôr