Dak Lăk akŏ pơdong Khul ngă sầu riêng
Thứ ba, 14:51, 14/02/2023
VOV Tây Nguyên/Siu H'Mai Pơblang
VOV Tây Nguyên/Siu H'Mai Pơblang
VOV4.Jarai - Kiăng pơhlôm brơi tơlơi gêh gal kơ mơnuih pla sầu riêng hăng anăp nao pơđĭ kyar bruă pla sầu riêng hơđong kơjăp, Jơnum min mơnuih ƀon sang tơring čar Dak Lăk phrâo hơmâo tơlơi pơtrun akŏ pơdong Khul ngă sầu riêng tơring čar Dak Lăk.
Ơi Nguyễn Hoài Dương, Khua gơnong bruă ngă hmua, pơđĭ kyar plơi pla tơring čar Dak Lăk brơi thâo, bruă akŏ pơdong Khul ngă sầu riêng Dak Lăk hơmâo ba tơbiă lu jơlan bơwih ƀong hăng sầu riêng Dak Lăk laih anun Việt Nam pơđĭ kyar pơ anăp anai.
Khă hnun hai, blung a Khul ngă sầu riêng Dak Lăk amra pơphun, jak iâu ƀing gŏp ngă hrŏm, hơmâo hơdră ngă hmua kiăng ding kơna amăng khul thâo kơjăp bruă pơkra gơnam dưm kơnar, klă, jơman đah mơng dưi pơhno tom arăng. Mơng anun, dưi ngă hrŏm bơwih ƀong sĭ mơdrô hăng ba sĭ sầu riêng amuñ hloh, hơmâo anih blơi nua hơđong kơ mơnuih ngă hmua, ding kơna amăng khul, amăng ƀrư̆ pơđĭ kyar kual pla sầu riêng klă, sầu riêng Dak Lăk dưi bơkơtưn hăng sầu riêng mơng pơkŏn.
Viết bình luận