Dak Lak: Jơnum črâo brơi pok pơhai bruă tuh pơ alin djru pơđĭ kyar kual pla phun akha kyâo
Thứ bảy, 10:04, 05/11/2022
VOV Tây Nguyên/Siu Đoan Pơblang
VOV Tây Nguyên/Siu Đoan Pơblang
VOV4.Jarai - Lơ 4/11, Anom bruă wai lăng ia jrao Cổ Truyền - Ding jum ia jrao gum hrŏm hăng gơnong bruă ia jrao Dak Lak pơphun Jơnum črâo brơi pok pơhai bruă tuh pơ alin pơđĭ kyar pla phun akha kyâo gah jơlan hơdră tui hơnong pơkă dêh čar amăng pơđĭ kyar bơwih ƀong huă-mơnuih mơnam kual djuai ania ƀiă hăng kual čư̆ siăng thun 2021-2025.
Amăng rơwang tal 1 ngă tui truh thun 2025, hơnong pơkă ba tơbiă lĕ blung hlâo ba glăi rơnoh yôm mơng phun akha kyâo; pơlih tơlơi pơmĭn amăng bruă pla phun akhan kyâo tui gơnam rơnoh yôm hăng djă pioh hơdôm djuai akha kyâo, pơhlôm bruă bruă pla pơjing hăng wai lăng pơlir hăng bruă pơhlôm pơgang hăng pơđĭ kyar glai rưng hơđong kjăp.
Hơdôm Akŏ bruă pơđĭ kyar phua akha kyâo yôm pok ƀơi hơdôm ƀon lan tơnap tap kual mơnuih djuai ania ƀiă hăng kual čư̆ siăng kriang pơtâo, mă yua ƀiă biă mă ñu 50% mrô mơnuih mă bruă lĕ djuai ania ƀiă, yua hơdôm khul grup, ƀing mơnuih hăng hơdôm boh sang anŏ mơnuih djuai ania ƀiă, sang anŏ ƀun rin dŏ hơdip amăng kual hơmâo tơlơi gal lăp djơ̆ kiăng ngă tui hăng ƀuăn djru pla pơjing hăng blơi pơhrui amăng kual.
Viết bình luận