Dak Lak ră anai hơmâo 37 boh sang bruă prăk, 12 keh prăk brơi mơnuih ƀon sang čan hăng 226 anih brơi čan prăk ƀơi hơdôm boh să, phường, tơring kual, năng ai ñu pơhlôm brơi djop prăk čan yua bơwih ƀong sĭ mơdrô, mă yua mơng mơnuih ƀôn sang, anom bơwih ƀong sĭ mơdrô. Truh ră anai, mrô prăk brơi čan yua gah bơwih ƀong sĭ mơdrô kơphê ƀơi Dak Lak rơbêh 19.300 klai prăk, dưm dưm giăm 14% abih tih prăk čan.

Thun anai, hơdôm anom bruă brơi čan prăk pioh giăm 7.500 klai prăk brơi čan yua amăng bruă blơi pơhrui, uă pơkra kơphê. Ơi Lê Văn Lương, kơ-iăng khua sang bruă prăk kơnuk kơna Việt Nam, anom bruă pơdong ƀơi Dak Lak brơi thâo: Hăng pran jua gum hrŏm, sang bruă prăk  amra pơsir hĭ tơnap tap, djơ̆ hăng tơlơi rơkâo amăng pơđĭ kyar bơwih ƀong huă.