Yua adai pơ-iă hang sui hrơi laih anun h’uh kơtang, hơmâo hrơi anŏ h’uh hang truh 40 đô̆ C hrŏm hăng kơƀah ia bruih, ngă kơ lu đang kơphê ƀơi tơring glông Đak Hà, tơring čar Kon Tum krô hla, djai than hăng luh boh mơda abih. Rơnoh răm ƀăm kơtang biă mă hăng lu đơ đam hmua đang kơphê ƀơi kual ataih mơ̆ng bơnư̆ pơkong ia pruih.

Tui hăng jơnum min mơnuih ƀôn sang tơring glông Đak Hà, ră anai hơmâo rơbêh 71 ha đang kơphê ƀơi plơi Bình Minh, să Hà Mòn ƀu djop ia pruih dơ̆ng tah, yua dơnao pơkong C3 thu laih. Hăng rơbêh 15.000 ha, tơring glông Đak Hà ră anai anih pla kơphê prong hloh ƀơi tơring čar Kon Tum. Lơ̆m anun adai pơ-iă kơtang, thu krô ăt dŏ đôč hơdôm hrơi pơ anăp adih, lu ring bruă bơnư̆ pơkong ia anet amăng tơring glông Đak Hà, tơring čar Kon Tum hlăk thu ia. Kiăng djru pơgang brơi đang kơphê mơnuih ƀôn sang, tuh rơyuh blơi đing tô tui glông hơdôm km kiăng ƀôp ia mơ̆ng ataih pioh pruih kơ phun pla samơ̆ ăt ƀu bĕ ôh anŏ răm ƀăm yua pơ-iă không phang hang prong ngă.