Jơnum pơphun tui jơlan gah ƀơi anăp pơkĕ hrŏm lăng nao rai mơ̆ng ataih, ngă gal brơi kơ lu khua mua hơdôm bôh anih anom ƀơi Dap Kơdư, hơdôm khul sĭ mơdrô gơnam, anom bơwih ƀong, khua pơ ala hơdôm ƀirô, khul grŭp djru bơwih ƀong sĭ mơdrô amăng lŏn ia hăng dêh čar tač rơngiao gum hrŏm.

Ơi Vũ Bá Phú, Khua Anom pơtrut sĭ mơdrô – Ding jum sĭ mơdrô pơtŏng sit, Dap Kơdư lĕ kual ngă đang hmua lu gơnam phun prong, hmâo rơnoh prong, biă ñu lĕ phun pla sui thun, phun bôh troh. Sa dua mơta gơnam sĭ kơ dêh čar tač rơngiao gah ƀut dŏng tal sa tal 2 kual ăt kah hăng ƀơi rŏng lŏn tơnah kah hăng kơphê, tiu, bôh kruăi krĕ, bôh ñông. Kual lŏn pla djop mơta phun jrao yôm kah hăng: sâm Ngọc Linh, sâm hrĕ, bơmao linh chi mriah, đinh lăng, hà thủ ô, đương quy, bơnga hoè... ăt glăk pơđĭ kyar tañ mơ̆n, pơjing hơdôm kual phun jrao hơbit ƀơi Dap Kơdư./.