Gum hrŏm bruă pơplông hmâo 36 čơđeh kơphê phara mơ̆ng Arabica dưi ruah mơ̆ng hơdôm đang kơphê mơ̆ng mơnuih ngă đang hmua ƀơi Lâm Đồng pla ƀơi anih lŏn dlông rơbêh kơ 1.000m bơhmu hăng jơlah ia rơsĭ. Hơdôm čơđeh kơphê Arabica pioh pơplông dưi pơphun hơdôm bruă pơkra, hna, măh, djŏng mơñum tui djơ̆ tơhnal pơkă mơ̆ng jar kơmar.
Ƀing juăt bruă mơñum lông lăng amăng lŏn ia pô hăng dêh čar tač rơngiao amra čom puang pơplông hăng jao pri brơi kơ hơdôm čơđeh kơphê Arabica Việt Nam. Hrŏm hăng anun, pơjing pran pơtrut, pơtrut hơdôm bôh sang anô̆ mơnuih ƀôn sang đing nao gum hrŏm pơlir hơbit bruă ngă đang hmua, pơđĭ dlông nua kơphê Arabica, ba djuai phara kơphê anai hyu taih truh pơ̆ dêh čar arăng.
Amăng rơwang bruă pơplông dô̆ pơphun hơdôm bruă mơñum lăng hăng găn rơgao lăng hơdră djŏng kơphê mơñum hăng hơdôm čơđeh kơphê klă hloh, bơkơtuai lăi pơthâo tơlơi găn rơgao bruă pơkra kơphê mơ̆ng hơdôm bôh sang anô̆ mơnuih ƀôn sang ngă kơphê, ƀing kơsem min bôh thâo phrâo hăng ƀing juăt bruă./.
Viết bình luận