Amăng rơwang Jơnum ngui kơ phê Buôn Ma Thuột tal 8 thun 2023, mơguah lơ 10/3, ƀơi plơi prong Buôn Ma Thuột pơphun ngă Lơphet pok phun bruă pơplông pơkra kơ phê mơñum Việt Nam thun 2023. Anai lĕ sa amăng hơdôm tơlơi kiăng lăi nao mơng Jơnum ngui, djru ngă tui tơhnal pơkă, ngă brơi Buôn Ma Thuột jing anih nao mơng kơ phê rŏng lŏn tơnah.

Pơphun mơng lơ 10 truh lơ 13/3, bruă pơplông tum pơƀut 33 čô mơnuih mơng 9 bôh tơring čar, ƀôn prong amăng đơ đam dêh čar, amăng anun hmâo 24 čô mơnuih rơkâo pơplông pơkra kơ phê djong hăng phin mơng hlâo hăng 27 čô rơkâo pơplông pơkra kơ phê mơñum Pour V60 (pơkra kơ phê hăng bŏng hăng hră djăt mă). Bruă pơplông kiăng kơ thâo, pơpŭ, lăi pơhưč gru rŭp hơdôm mơnuih thâo mơbruă amăng pơkra kơ phê mơñum; Pơđĭ tui bruă mă mơng pơkra kơ phê mơñum pơjing rai gơnam mơñum klă hiam hloh djơ̆ hăng tơlơi kiăng mơñum kơ phê jai hrơi jai dlông tui mơng mơnuih blơi yua; Lăi pơthâo; lăi pơhư̆č, pơđĭ kyar bruă kơ phê pha ra mơng Việt Nam, bôh thâo kơ phê Việt Nam djru đĭ tui bruă blơi yua amăng lŏn ia hăng nua mơng kơ phê Việt Nam./.