Tui tơlơi lăi pơthâo glăi amăng mông jơnum, bơyan kơ phê phrâo rơgao, tơring čar Daklak hmâo mrô yap him lăng rơbêh kơ 526.000 tơn, đĭ rơbêh kơ 17.800 tơn bơhmu hăng bơyan hlâo. Truh ră anai, mrô kơ phê Daklak hmâo sĭ laih kơ dêh čar tač rơngiao truh ƀơi 64 bôh dêh čar, kual lŏn ƀơi rŏng lŏn tơnah.

Amăng anun, Japan jing dong anih anom prong hloh mơng kơ phê Daklak. Thun 2022, prăk pơhrui glăi mơng kơ phê ƀơi tơring čar hmâo rơbêh kơ 810 klăk dolar Mi, hmâo mrô 21% bơhmu hăng đơ đam dêh čar. Bơyan kơ phê 2022-2023, Daklak pơkă hlâo sĭ hmâo 420.000 tơn kơ phê kơ dêh čar tač rơngiao. Tơlơi pơmin mơng tơring čar ƀu pok prong lŏn pla mơ̆ djă pioh hơđong ƀơi rơnoh 204.000 ektar, mrô kơ phê năng ai ñu 526.000 tơn./.