99 mrô kual pla pơjing amăng tơring čar Gia Lai hơmâo arăng jao brơi lĕ phun pơtơi, phun kruăi hrĕ, pơhăng, tơmun mơkai, thanh long… amăng anun, pơtơi hơmâo 26 mrô, đơ đam rơbêh 3.000 ektar. boh kruăi hrĕ hơmâo 19 mrô, đơ đam giăm 600 ektar, pơhăng hơmâo 20 mrô hăng giăm 300 ektar… hrŏm hăng mrô kual pla pơjing, hơdôm anom bơwih ƀong sĭ mơdrô ƀơi Gia Lai hơmâo čih anăn 24 mrô dưm amăng adung, hăng abih giăm 700 tơ̆n boh troh mơtah mơda amăng sa hrơi.

Yua kơ pơhlôm tơlơi pơhing kơ kual pla hăng anih dưm amăng adung, gơnam đang hmua Gia Lai dưi ba sĭ mơdrô lu hloh pơ hơdôm boh dêh čar Khač, Australia, Mi Khul pơlir hơbit kual Mi kô̆ …Hơdôm boh tơring glông, plơi prong ƀơi Gia Lai glăk tŏ tui pơjing hơdôm kual pla pơjing tui hơnong pơkă VietGAP, djru brơi mơnuih ƀon sang, anom bơwih ƀong sĭ mơdrô čih mrô kual pla pơjing hăng anih dưm amăng adung kiăng gêh gal dong ba gơnam sĭ mơdrô mơng ƀon lan.