Gia Lai: Rơbêh 1000 phun kơphê arăng drôm dŏp
Thứ năm, 14:27, 16/03/2023
VOV Tây Nguyên/Siu H'Mai Pơblang
VOV Tây Nguyên/Siu H'Mai Pơblang
VOV4.Jarai - Rơbêh 1000 phun kơphê mơng 2 truh 5 thun mơng lu boh sang anŏ djuai ania ƀiă, plơi O Ngŏ (să Ia Ƀăng, tơring glông Đăk Đoa, tơring čar Gia Lai) phrâo hơmâo ƀing ƀu klă koh drôm abih.
Tui hăng ơi Trần Văn Hùng, Khua jơnum min mơnuih ƀon sang să Ia Băng, mơguah lơ 13/3, mơnuih ƀon sang plơi O Ngŏ, să Ia Ƀăng hơmâo ƀuh lu phun kơphê hơmâo arăng phă, drôm tơthă. Tui mrô jŭ yap, hơmâo rơbêh 1000 phun kơphê arăng čong hĭ phun, than gơ̆, prong năng ai 1 ha.
Hơmâo thâo, đang kơphê anai mơng lu sang anŏ mơnuih djuai ƀiă gum pla. Jơnum min mơnuih ƀon sang să Ia Ƀăng hơmâo lăi pơthâo hăng khua git gai Ping gah, git gai tơhan kông an, mơnuih apăn bruă plơi hrŏm hăng khua plơi O Ngŏ nao lăng pơsit glăi; laih dong lăi pơthâo bruă anai hăng kông an tơring glông hăng anom apăn bruă hơduah ĕp kơđi tơlơi, pơsir kơđi tui tơlơi phiăn.
Viết bình luận