Rơwang 2017-2022, hơnong ñu rim thun tơring čar hmâo 63 bôh sang anô̆ mơnuih ngă đang hmua bơwih ƀong huă sĭ mơdrô rơgơi hơdôm gưl, amăng anun hmâo 297 bôh sang anô̆ mơnuih ngă đang hmua bơwih ƀong sĭ mơdrô rơgơi gưl dêh čar. Hơdôm sang anô̆ anai pơjing bruă mă ƀơi anih pô bơwih ƀong brơi rơbêh kơ 320.000 čô mơnuih mă bruă, pơhrui hơnong ñu mơng mơnuih mă bruă mơng 4,5 truh kơ 6 klăk prăk sa blan.

Hơdôm bôh sang anô̆ mơnuih ngă đang hmua bơwih ƀong sĭ mơdrô rơgơi ƀơi Gialai ăt djru pơtrut tañ mơn pơplih phun pla, hlô rông, mă yua hơdră phrâo măi mok amăng bruă ngă đang hmua; pơsur bruă yak rơgao tơlơi ƀun rin, hrưn đĭ ngă pơdrong; gum pran hrom pơdŏng plơi pla phrâo. Rơwang 2022-2027, hơdôm gưl khul pơsit pơhư prong dong, pơtrut bruă mă jai hrơi jai nao dơlăm, sit nik hăng ba glăi bôh tơhnal. Tal anai, Jơnum min mơnuih ƀôn sang tơring čar Gialai ƀơk hră bơni kơ 18 grŭp, 94 čô mơnuih; Khul mơnuih ngă đang hmua tơring čar ƀơk hră bơni kơ 17 grŭp hăng 41 čô mơnuih hmâo bôh than prong amăng bruă mơnuih ngă đang hmua pơplông bơwih ƀong huă, sĭ mơdrô rơgơi rơwang 2017-2022./.