Tui anom pơsur ngă hmua dêh čar, akŏ bruă lông lăng “Hrưn đĭ tŭ yua bruă pơsur ngă hmua amăng hơdôm hơbô̆ bruă grup pơsur ngă hmua amăng mơnuih mơnam” hơmâo anom bruă ngă tui thun 2021, ƀơi 13 boh tơring čar gah 5 kual pla pơjing. Boh than ba glăi, hơmâo pơjing 26 grup ngă hmua, amăng anun hơmâo 8 grup ƀơi kual Dap kơdư.

Tơdơi kơ 1 thun mă bruă, hơdôm grup pơsur ngă hmua dưi ngă tui pran gơgrong amăng pơjing kual pla kơphê hơđong kjăp, pơtô hrăm brơi tơlơi thâo thăi, boh thâo măi mok brơi mơnuih ƀon sang, mut hrŏm pơphun pla pơjing, črâo ba amăng bơwih ƀong sĭ mơdrô ƀu djơ̆ kơnong ngă hmua đôč ôh. Ƀing khua mua ba tơbiă hơdôm hơdră kiăng tŭ yua dong amăng bruă mă mơng grup, anun lĕ kơtưn djop mơnuih tui bruă pơsur ngă hmua, Anom bruă pơsur ngă hmua dêh čar tŏ tui pơphun hơdôm anih pơtô hrăm kiăng ƀing ding kơna amăng grup pơsur ngă hmua thâo mă bruă, sit biă ñu lĕ hơdôm boh tơhnal bơdjơ̆ nao bơwih ƀong tui khul grup, pơđĭ kyar ngă hrŏm bơwih ƀong huă, pơlir sĭ mơdrô gơnam yôm hăng pơplih mă yua boh thâo phrâo.