Sit nik ƀơi dêh čar ta ră anai kơƀah kual pla kơnong pơdai; pơtruh nao rai aka ƀu kơjăp ôh kơplah wah pô ngă pơdai hăng anom ngă ƀong hrŏm wơ̆t hăng anom bơwih ƀong prong; bruă ngă pơdai aka ƀu kơjăp ôh. Hơdôm tơlơi hơmâo ba pơčrông sai lăi, bruă mă yua măi mok amăng abih bang bruă kiăng hơmâo mă yua amăng bruă pơkra pơdai braih.

Kiăng pơkra klă hloh dơnao, bơnư̆ pơđoh ia, pơkra kơjăp tui anih anom amăng bruă ba hyu, pơkra gơnam hăng ba hyu sĭ gơnam mơng hmua. Kơ-iăng khua Ding jum bruă hmua hăng pơđĭ kyar ƀon lan ơi Trần Thanh Nam brơi thâo “Kơčăo bruă 1 klăk ha pơdai klă nao hrŏm hăng pơplih tơlơi pơmin ngă hmua pla pơjing, pơplih mơng ngă hmua kiăng hơmâo gơnam jing ba hyu sĭ gơnam mơng hmua, jai hrơi klă tui, hơmâo nua pơmă tui, pơđĭ kyar ngă hmua hơđong kơjăp.