Dong mơng thun 2017 truh ră anai, anom bruă Wasi hăng kông ti pơčuih ngăn pơkra kmơk Bình Điền hơmâo pơphun 23 tal kơsem min, sem lăng hăng 28 hơbô̆ bruă pla pơjing hơđong kjăp, mă yua kmơk brơi 5 phun pla phun ƀơi kual Dap kơdư anun lĕ kơphê, tiu, sầu riêng, boh ƀơr, añăm tam hăng kơtor. Mơng hơdôm hơbô̆ bruă anai, mơnuih ngă hmua thâo amăng bruă pla pơjing kiăng pơkrem hăng wai pơgang rơhuông adai lŏn mơnai. Mơng anun, pơgôp ba glăi tŭ yua amăng bơwih ƀong huă, lu dong tơlơi kơsem min hăng ngă hrŏm amăng bruă kơsem min mơng Wasi hăng mơnuih ngă hmua …

Amăng mông jơnum, anom bruă Wasi, kông ti pơčruih ngăn pơkra kmơk Bình Điền, Anom bruă pơsur ngă hmua hơmâo kĭ pơkôl ngă hrŏm pơđĭ kyar jơlan hơdră “Pla kơphê thâo rơgơi hluai tui ayuh hyiăng pơplih ƀơi kual Dap kơdư” truh thun 2025. Hơnong pơkă amra črâo ba ƀiă biă mă 1.000 čô mơnuih ngă hmua ƀơi rĭm boh tơring čar kual Dap kơdư thâo amăng pla pơjing kơphê hơđong kjăp; pơjing hơdră pla kơphê thâo rơgơi ƀơi rĭm boh tơring čar; kơsem min pơđĭ kyar bruă pruai kmơk  lăp djơ̆ hăng lŏn mơnai, ngă kơ phun kơphê hiam, mơboh, pơhrui hơmâo hmăi kơ mơnuih ngă hmua hăng anom bruă bơwih ƀong sĭ mơdrô kơphê.