Tui ơi Lê Văn Đông, mơnuih mă bruă amăng Anom pơsur ngă hmua să An Nhơn, tơring glông Dă Teh, rơngiao kơ hơdôm pơjeh mơkai sô hơđăp, bơyan anai neh met wa pla wŏt pơjeh mơkai mriah ƀu hơmâo asar. Anai lĕ mơkai glăk hơmâo lu mơnuih hor blơi yua anun ƀing sĭ mơdrô ăt tui nao blơi lu mơn.

Hrŏm hăng bruă amuñ sĭ mơdrô, bruă pla pơjing yua boh thâo phrâo, hiam hơdjă, pruih ia đuăi mă hơjăn, pruih ƀơƀrĕ, ngă kơ pơhrui glăi hơmâo hmăi brơi mơnuih ngă hmua. Kual pla boh mơkai lu hloh amăng tơring čar Lâm Đồng lĕ tơring glông Dă Teh hăng Cát Tiên, hăng đơ đam giăm 300 ektar, đĭ rơbêh dua wŏt pơhmu hăng thun hlâo. Ră anai mơnuih ƀon sang glăk pĕ pơhrui boh mơkai ba hyu sĭ amăng bơyan ƀong tết pơ anăp anai.