Hơdôm hrơi giăm anai, lu mơnuih ngă đang hmua ƀơi tơring čar Lâm Đồng hmâo koh lui laih ƀơbiă phun pla pơkon hơdai nao pla sầu riêng. Kiăo tui anun lŏn pla sầu riêng mơng tơring čar anai ră anai hmâo laih rơbêh kơ 17.160 ektar, đĭ rơbêh kơ 3.500 ektar pơhmu hăng 2 thun hlâo adih.

Ƀơi anăp tơlơi anun, gơnong bruă đang hmua tơring čar Lâm Đồng hmâo pôr hyu laih tơlơi pơtă hlâo, pơtă mơnuih ƀôn sang anăm rŏng pơhư prong lŏn pla sầu riêng ôh. Bruă mơnuih ƀôn sang rŏng koh lui phun pla anai hơdai nao pla phun pla pơkon kiăo tui anun lĕ lu mơta tơlơi bơdjơ̆ nao, amăng anun bơngot biă ñu lĕ amra ba truh mrô gơnam ngă rai lu hloh mrô kiăng blơi yua, ngă prung hĭ ƀơi anih sĭ mơdrô pơ̆ anăp anai./.