Mơnuih pla kơphê ƀơi Lâm Đồng gơgrong pơhlôm ia pruih amăng bơyan phang
Thứ sáu, 14:31, 24/02/2023
VOV Tây Nguyên/Siu Đoan Pơblang
VOV Tây Nguyên/Siu Đoan Pơblang
VOV4.Jarai-Amăng hơdôm hrơi anai tơring čar Lâm Đồng lăi phara hăng hơdôm tơring čar kual Dap kơdư hnun mơn, sit nik yak nao bơyan phang, Kiăng pơhlôm ia pruih brơi kơphê lĕ bruă akŏ phun, hơmâo mơnuih ngă hmua, gơnong bruă ngă hmua hơdôm boh ƀon lan đing nao, kiăng pơhlôm brơi phun pla bluh đĭ hiam rah hăng hơmâo ia pruih amăng bơyan không phang.
Kơphê lĕ sa amăng hơdôm phun pla phuh amăng tơring čar Lâm Đồng, hăng đơ đam rơbêh 170.000 ektar, lu hloh ƀơi hơdôm tơring glông Lâm Hà, Di Linh, Đức Trọng hăng Bảo Lâm. Kiăng pơhlôm ba glăi tŭ yua amăng ngă hmua, mơnuih ƀon sang hăng gong gai ƀon lan glăk pok pơhai hơdôm akŏ bruă bong glăi khŏt ia.
Tui ơi Vũ Bá Yêu, Kơ-iăng Khua anom bruă ngă hmua hăng pơđĭ kyar ƀon lan tơring glông Lâm Hà, ayuh hyiăng glăk ngă krô kreñ, pơ-iă kơtang tui, tơlơi anai him lăng pơ anăp anai amra kơƀah ia, yua anun bruă pơhlôm hlâo hơmâo hơdôm anom bruă pơtrut kơtang. Tơring glông hơmâo git gai pơđoh ia brơi gap ƀrô; pơkŏng ia ƀơi hơdôm boh dơnao pơprong hăng hơdôm dơnao anet ƀơi ƀon lan kiăng pơhlôm kơ ia pruih.
Viết bình luận