Ră anai, ƀơi hơdôm boh tơring čar kual lŏn dăo ia krông Cửu Long, kual Ngŏ dơnung hăng Dap kơdư glăk pla phun sầu riêng lu tui, sit biă ñu lĕ pok prong đang hmua pla ƀơi hơdôm kual lŏn mơnai, ayuh hyiăng ƀu lăp djơ̆. Đa hơmâo anih trơ̆i hĭ phun kơphê, tiu kiăng pla pơplah nao phun sầu riêng; lui hĭ ngă hmua pơdai ia kiăng hơdai nao pla sầu riêng…Tui anom bruă pla pơjing, bruă pla sầu riêng lui đơi, ƀu dưi wai lăng, kiăo tui arăng, ƀu ngă tui tơlơi črâo ba, pơhŭi hlâo mơng hơdôm anom bruă wai lăng, anom bruă bơdjơ̆ nao amra ba truh tơlơi tơnap, ngă răm rai kơtang hăng ƀu pơhlôm boh sầu riêng hiam mơng Việt Nam.

Kiăng pơđĭ kyar pla sầu riêng hơđong kjăp, tŭ yua, lăp djơ̆ hăng jơlan gah pơđĭ kyar mơng gơnong bruă, anom bruă pla pơjing rơkâo djop gơnong bruă ngă hmua hăng pơđĭ kyar ƀon lan hơdôm tơring čar, ƀôn prong pơtô pơblang, lăi pơthâo, kiăng ƀơƀrư̆ pơplih tơlơi pơmĭn hŭi kơ bơwih ƀong ngă đang kiăo tui arăng, jing pla lu đơi; bruă pơđĭ kyar pla pơjing lăi hrŏm hăng pla sầu riêng hnun mơn kiăng tui bruă sĭ mơdrô, jơlan gah mơng hơdôm anom bruă wai lăng.