Festival plơi pla pơkra ming Việt Nam thun 2022 pok pơhai hăng 2 bruă mă phun kah hăng: Pơdă sang čơ gơnam sĭ mơdrô mơ̆ng plơi pla pơkra ming gơnam OCOP Việt Nam tal 18 hăng pơplông gơnam sĭ mơdrô pơkra ming hăng gơnam pơhrôp hiam thun 2022. Hăng hnong pơdă 150 čơgăn gơnam, tal pơdă sang čơ plơi pla pơkra ming hăng gơnam OCOP Việt Nam tal 18 ba pơdă lu mơta gơnam hiam hăng gơnam pơhrôp hiam mơ̆ng djop sang bruă sĭ mơdrô, anom bruă ngă ƀong hrom, gơnam sĭ mơdrô mơ̆ng đang hmua hăng plơi pla pơkra ming, ƀut pơkra ming gơnam gru grua đưm mơ̆ng 22 boh tơring čar, ƀôn prong.

Khua ding jum ơi Lê Minh Hoan ĕp lăng djop čơgăn gơnam pơhrôp hiam

Ăt amăng tal Festival plơi pla pơkra ming Việt Nam thun 2022 hơmâo pơphun jơnum pơplông gơnam pơkra ming pơhrôp hiam thun 2022 kiăng pơpŭ, pơtrut pơsur bruă mă mơ̆ng ƀing thâo pơčeh phrâo kơhnâo kơhnăk pơkra ming gơnam tam gru grua đưm, mơ̆ng anun djru hrom djă pioh pơđĭ tui bruă mă pơkra gơnam gru grua đưm, plơi pla gru grua, djă pioh hăng pơđĭ tui gru grua hiam djuai ania ƀiă.