Kiăng pơđĭ kyar bruă pơlir nua kơtor hăng hơbơi plum, hơdôm hrơi rơgao Grŭp De Heus (Hà Lan) hmâo pel ĕp kual pla ƀơi 3 bôh tơring čar amăng kual Dăp Kơdư anun lĕ: Daklak, Gialai, Kontum. Rơgao kơ pel ĕp brơi ƀuh, kơtor hăng hơbơi plum dô̆ lu tơhnal gal pioh đĭ tui bruă pơlir lom gum hrom amăng bruă pla phun pla kơ hlô rông, hrŏ trun gơnam blơi mơng dêh čar tač rơngiao.

Ơi Nguyễn Như Cường, Khua Anom wai lăng bruă tơjŭ pla lăi lĕ: Dăp Kơdư lĕ kual gêh gal pioh pơlar sa dua djuai phun pla ngă gơnam ƀong phrâo kơ hlô kah hăng: kơtor, hơbơi plum. Kiăng kơtưn hăng hơdôm djuai phun pla pơkon ƀơi kual anai khom ngă hiưm hơpă pơđĭ dlông bôh tơhnal bơwih ƀong. Kiăng pơjing kual pla prong djơ̆ hăng rơnoh kiăng yua kơ hlô rông khom pơjing jơlan pơlir hơbit kơplah wah mơnuih ngă đang hmua, anom mă bruă hrom mơng anun pơlir nao rai hăng anom bơwih ƀong pơkra gơnam hăng sĭ gơnam mơtam./.