Anai lĕ bruă mă yua Khul kơphê Buôn Ma Thuột pơphun pơhưč tơlơi đing nao mơng ƀing hor mơñum kơphê amăng lŏn ia hăng jar kmar. Amăng 4 hrơi (dong mơng lơ 10-13/3), 36 čô mơnuih rai mơng 13 boh tơring čar, ƀôn prong amăng đơ đam dêh čar hơmâo găn rơgao 2 tal pơplông anun lĕ: Tal pơplông gah rơngiao hăng hơdôm boh tơhnal ngă tui bruă hơna lông lăng hăng hơmâo mơnuih mơñum lăng, čom puang, tơdơi anun ruah mă 20 čô mơnuih hơmâo puang lu hloh mut pơplông amăng lăm.

Amăng tal pơplông rơnuč, ƀing gơñu hơna laih anun tuk jôr Pour Over hăng tuk tro amăng phin. Amăng tal pơplông anai, ƀing gơñu pơluk kơplah wah kơphê Arabica hăng Robusta kiăng kơ hơmâo tơpung kơphê jơman hloh. Yua anun, nao pơplông tal anai, ƀing mơnuih hơna kơphê ƀu djơ̆ kơnong pơgôp amăng bruă ngă lar hyu ia ƀâo mơnâo mơng kơphê đôč ôh ba nao mơnuih hor mơñum sem lăng kơphê hơna rai mơng ƀing gơñu.