“Pơplih mrô amăng bruă đang hmua hmâo dong tơlơi pơplih kơtang hăng bruă pơplih phrâo rơđah hơdôm Akô̆ bruă, kơčăo bruă pơplih mrô mơng bơnah Ding jum đang hmua hăng pơđĭ kyar ƀôn lan dêh čar hăng hơdôm tơring čar, ƀôn prong” lĕ pơsit ƀơi mông bruă Jơnum Grŭp črâo ba pơplih mrô amăng bruă đang hmua pơphun mơnguah lơ 20/2 ƀơi Hà Nội. Tơlơi jơnum yua kơ Ding jum đang hmua hăng pơđĭ kyar ƀôn lan dêh čar pơphun.

Truh ră anai, Ding jum đang hmua hăng pơđĭ kyar ƀôn lan dêh čar hmâo pơpdŏng hăng ngă giong anih anom djă pioh wai lăng gơnam ƀong kơ hlô hăng anih anom rông hlô; anih anom lăi pơthâo mrô, wai lăng mrô kual pla hăng prăp lui ngă lơphet pok pơhai phun than hơduah ĕp anih anom ngă rai gơnam amăng rơnuč thun anai. Pơtŏng sit pơplih mrô amăng bruă đang hmua sa amăng hơdôm bruă yôm phăn hloh mơng jơlan hơdră pơplih mrô lŏn ia hăng anih anom pơđĭ kyar mơng bruă mă dô̆ lu prong, Khua Ding jum đang hmua hăng pơđĭ kyar ƀôn lan dêh čar Lê Minh Hoan rơkâo hơdôm ding kơna Grŭp črâo ba hăng mơnuih apăn bruă pơđĭ tui tơlơi pơmin, prăp lui djop bôh thâo, thâo tơlơi pơkă kual hăng tơlơi kiăng ngă giong bruă jao./.