Ƀơi mông jơnum, ƀing khua hơmâo lăi, pơđĭ kyar boh thâo ia rơgơi hăng pơplih phrâo bruă ngă hmua khŏm pơplih mơng bruă anet. Pơđĭ tui tơlơi gum pơgôp mơng boh thâo, măi mok, laih anun pơplih tơlơi pơčeh phrâo amăng bruă pơđĭ rơnoh bơwih ƀong gah đang hmua, hluai tui bruă kơsem min, jao glăi boh thâo hăng mă yua. Ding jum kiăng truh thun 2030, tơlơi gum djru mơng bruă pơkra lu gơnam amăng mrô rơnoh đĭ kyar bruă hmua rơbêh 50%.

Tui hăng Khua ding jum bruă hmua hăng pơđĭ kyar ƀon lan ơi Phùng Đức Tiến, Boh thâo ia rơgơi yôm biă mă laih anun dưi pơsit pơđĭ kyar mơng bruă ngă hmua, laih anun prăk pơhrui mơng gơnam đang hmua, akan hơdang, kyâo sĭ kơ dêh čar tač rơngiao thun blan rơgao. Ngă rơđah rơđông hơdôm hơdră đĭ kyar, hơdôm anom bruă yua ding jum wai lăng ăt kah hăng hơdôm Sang bruă kơsem min, sang hră khŏm thâo rơđah laih anun pơsit hăng bruă mă sit nik hơdôm bruă yua pô ta wai lăng.