Tal pơplông mơnuih ngă hmua rơgơi 2023 hơmâo 6 grup mơng 6 boh tơring čar: Sơn La, Kon Tum, Gia Lai, Dak Lak, Dak Nông hăng Lâm Đồng. Ƀing nao pơplông hơmâo ruah mơng anih anom ƀon lan, laih anun arăng pơkiăo nao pơplông mơnuih pla kơphê rơgơi hloh nao pơplông amăng mlăm mă pri.

Hăng anăn “Pla kơphê rơgơi hluai tui ayuh hyiăng pơplih”, ƀing mơnuih nao pơplông găn rơgao 4 črăn: Mơnuih ngă hmua thâo pơčeh phrâo, mơnuih ngă hmua pơlir hơbit, mơnuih ngă hmua rơgơi, mơnuih ngă hmua thâo thăi. Mơng hơdôm črăn, ƀing nao pơplông amra pơdah tơlơi thâo thăi, tơlơi găn rơgao hăng thâo mă yua boh thâo măi mok amăng pla kơphê hluai tui ayuh hyiăng pơplih hăng hơdôm bruă bơdjơ̆ nao pơkra pơjing, sĭ mơdrô, pơlir hơbit gơnam đang hmua, pơkra pơjing hơmâo tŭ yap, pơjing hăng pơđĭ kyar bruă pơlir hơbit amăng gơnong bruă kơphê Việt Nam.