Kiăo tui anun, Ding jum đang hmua hăng pơđĭ kyar ƀôn lan rơkâo Jơnum min mơnuih ƀôn sang hơdôm bôh tơring čar, ƀôn prong kơtưn lăi pơhing, pơtô juăt, pơđĭ tui tơlơi pơmin kơ bruă mă, anô̆ bơdjơ̆ nao, bôh tŭ yua mơng bruă pla kyâu, pơjing dlai; pơsur hơdôm gưl, hơdôm gơnong bruă hăng mơnuih ƀôn sang gum hrom klă bruă pla kyâu, ngă tui hơdôm tơlơi pơkă amăng tơlơi phiăn gah dlai kyâu, djru pơgang anih anom dô̆, plai ƀiă răm rai yua kơ hyuh hyiăng ƀu klă ngă, juăt hăng pơplih ayuh hyiăng.

Hơdôm bôh tơring čar, ƀôn prong pơphun pok pơhai ha amăng plĕ, ba glăi bôh tŭ yua hơdôm hơdră pơkă, hơdră bruă amăng dlai kyâu; bôh yôm, bruă mă hăng jơlan pơsir ngă tui bruă pơđĭ kyar dlai tlô Việt Nam rơwang 2021-2023, tơhnal lăng nao truh thun 2050. Tơdơi kơ ngă tui “Tết pla kyâu”, hơdôm tơring čar, ƀôn prong pơphun pel ĕp pơsit, mă tŭ tơlơi găn rơgao, bơni apah pri hmao tlôn hơdôm khul grŭp, mơnuih ngă gru hlâo hmâo hơdră ngă thâo, hơdră klă, pơčeh phrâo./.