Tui anom bruă ngă hrŏm pơđĭ kyar ngă hmua hơđong kjăp ƀơi Việt Nam, gơnong bruă pla añăm tam, hơbơi pơtơi hơmâo lu tơlơi dưi yôm phăn pơgôp ngă pơđĭ kyar amăng gơnong bruă ngă hmua hơdôm thun laih rơgao. Tơdah amăng thun 2017, rơnoh sĭ mơdrô pơ tač rơngiao añăm tam, hơbơi pơtơi mơng Việt Nam 3 klai 600 klăk đôlar Mi, dưm dưm rơbêh 10% rơnoh ba sĭ pơ tač rơngiao mơng kyâo pơtâo, akan hơdang, jŭ yap kơnong truh blan 11 thun anai, rơnoh sĭ mơdrô añăm tam hơbơi pơtơi him lăng 3 klai 100 klăk đôlar Mi, đĭ 30% pơhmu tui tơđar thun hlâo.

Truh ră anai, añăm tam mơng Việt Nam ba sĭ mơdrô pơ 10 boh dêh čar prong hloh amăng rŏng lŏn tơnah, amăng anun hơmâo Khač, Mi, Hàn Quốc hăng Japan. Hơdôm tơlơi pơgôp hiăp ba nao pơčrông sai amăng mông jơnum lĕ hơdôm tơlơi tơnap tap kiăng hơmâo nua yôm mơng pla, pơkra pơjing, ba sĭ mơdrô kah hăng ba tơbiă hơdôm tơlơi yak nao kah hăng jơlan hơdră pơđĭ kyar gơnong bruă añăm tam, hơbơi pơtơi Việt Nam rơwang thun 2022-2025 kiăng pơgôp amăng hơdră pơđĭ kyar ngă hmua hăng ƀon lan hơđong kjăp rơwang thun 2021-2030, anăp nao truh thun 2050 hơmâo khua dêh čar ta tŭ yap.