Jơnum min apăn bruă Khua pơ ala mơnuih ƀon sang dêh čar phrâo lăi pơthâo sit nik kơ jơlan hơdră tơña hăng lăi glăi amăng jơnum lok 5, Khua pơ ala mơnuih ƀon sang dêh čar tal XV. Him lăng Khua pơ ala mơnuih ƀon sang dêh čar amra pơphun tơña hăng lăi glăi dong mơng lơ 6-8/6, hơdôm bruă hơmâo Khua mua ruah tơña hơmâo: bruă mă, tơhan rơka hăng mơnuih mơnam; jơlan glông; boh thâo măi mok; djuai ania. Hơdrôm bruă tal I gah bruă mă , tơhan rơka hăng mơnuih mơnam, hơmâo Khua ding jum Đào Ngọc Dung lăi glăi. Khua ding jum, Khua jơnum min djuai ania Hầu A Lềnh lĕ mơnuih tŏ tui lăi glăi, hơdôm bruă bơdjơ̆ nao djuai ania.

Hơdôm bruă tal tlâo gah boh thâo măi mok, khua lăi glăi lĕ Khua ding jum wai lăng boh thâo phrâo Huỳnh Thành Đạt. Khua ding jum Nguyễn Văn Thắng amra lăi glăi  hơdôm bruă bơdjơ̆ nao jơlan glông. Ăt amăng mông tơña hăng lăi glăi amăng jơnum lok anai, kơ-iăng khua dêh čar ơi Lê Minh Khái amra ngă rơđah hơdôm bruă bơdjơ̆ nao hăng lăi glăi tơlơi tơña mơng Khua pơ ala mơnuih ƀon sang. Amăng mông tơña hăn lăi glăi ƀing kơ-iăng khua dêh čar hăng ƀing khua ding jum, gơnong bruă amra gum hrŏm lăi glăi hơdôm bruă bơdjơ̆ nao.