Dak Lak gir run gum brơi 1.000 anih djru khăp pap amăng blan ngă bruă yua kơ tơlơi khăp pap thun 2024
Thứ năm, 08:36, 09/05/2024
VOV Tây Nguyên/Siu Đoan Pơblang
VOV Tây Nguyên/Siu Đoan Pơblang
VOV4.Jarai-Mơguah tom brơi (8/5), Khul ia jrao kyâo bơrơkal mriah tơring čar Dak Lak gum hrŏm hăng Jơnum min mơnuih ƀôn sang plơi prong Buôn Ma Thuột pơphun blan djru khăp pap thun 2024 hăng anăn “Bruă djru ană mơnuih-Jao hăng tŭ mă tơlơi khăp pap”.
Blan djru khăp pap thun anai pơphun mơng lơ 1 truh lơ 31/5, pơphun prong hloh dong mơng lơ 8 truh lơ 19/5 hăng hơmâo pok pơhai amăng đơ đam tơring čar, gir run djru brơi ƀiă biă mă ñu 1.000 anih djru khăp pap.
Yă Ayun H’Hương, Khua khul ia jrao kyâo bơrơkal mriah tơring čar Dak Lak brơi thâo, hăng anăn “Bruă djru ană mơnuih-Jao hăng tŭ mă tơlơi khăp pap”, blan djru khăp pap thun anai anăp nao prap khăp pap djru ană mơnuih mơ̆ ƀơi anai rĭm čô mơnuih lêng kơ dưi mut hrŏm, gum pơgôp, pơlir hơbit kiăng kơ pơdah pran khăp tơdruă, djru brơi ƀing mơnuih ƀun rin, ngă lar hyu pran khăp ană mơnuih, pơgôp pơjing tơlơi hơdip mut hrŏm, thâo djru tơdruă.
Viết bình luận