Anai lĕ tơlơi lăi rơđah mơ̆ng Kơ-iăng Khua dêh čar ơi Trần Hồng Hà amăng mông jơnum lăng nao rai mơ̆ng ataih đơ đam dêh čar gum pơhiăp kơ hră čih Tơlơi pơtrun pơkă kơ nua lŏn. Tui tơlơi lăi pơthâo glăi mơ̆ng Ding jum kông ngăn dlai klô hăng rơhuông adai lŏn mơnai, Hră čih tơlơi pơtrun pơkă tơdơi kơ tŭ mă giong hmâo 6 črăn, 41 mơta tơlơi pơkă kơ jơlan gah pơkă nua lŏn; čih pơkra, pơkra glăi, pơplih pơkra, pơhrua nao nua lŏn; tơlơi ngă tui bruă gum lăi pơthâo pơsit nua lŏn; mă yua jơlan gah pơkă nua lŏn mơ̆ng hơdôm tơlơi jao glăi...

Amăng mông jơnum, hơdôm tơlơi gum pơhiăp đing nao bơkơtuai kơ bruă pơhrua nao hơdôm tơlơi gum pơhiăp, pơhlôm Tơlơi pơtrun pơkă lơm mă yua amra dưi pơsir hơdôm tơlơi hmâo sit lơm kiăng, khom hmâo, rơđah, amuñ ngă tui, bĕ ngă soh. Kơ-iăng Khua dêh čar ta rơkâo Ding jum kông ngăn dlai klô hăng rơhuông adai lŏn mơnai tơpă tŭ mă tơlơi pơhiăp, tañ ngă giong hră čih pơkra Tơlơi pơtrun pơkă, tañ ba mut hơdôm hơdră pơtrun, hơdră bruă phrâo, pơplih amăng Tơlơi phiăn lŏn drŏn thun 2024 amăng tơlơi hơdip mơda./.