Ƀơi hơdôm anih nao čuă jơmư, pơ ala kơ ƀing khua mơ̆ng Ping gah, Kơnuk kơna, Đại tướng Phan Văn Giang tơña bla tơlơi hơdip mơda, tơlơi suaih pral mơ̆ng rim boh sang anŏ; hơdor tơngia, bơni biă kơ tơlơi gum djru prong prin, tuh rơyuh pran jua, djai drơi pô mơ̆ng tơhan rơka, tơhan ruă nuă, tơhan djai pơsăn drơi hăng mơnuih djru ngă hơkrŭ tơgŭ blah ayăt pơklaih rơngai lŏn ia, pơgang Lŏn ia.

Khua tơhan krên Đại tướng čang rơmang hơdôm boh sang anŏ pơtrut tui gru ngă hơkrŭ, pơtô rơnuk hlăk ai hăng gir gum pơgôp kơ plơi pla, lŏn ia./.