Kơnuk kơna Mi djru ba mơnuih rơwen rơwô jô găng ƀơi Gia Lai hăng Quảng Ngãi
Thứ sáu, 10:51, 16/10/2026
VOV Tây Nguyên/Siu H'Mai Pơblang
VOV Tây Nguyên/Siu H'Mai Pơblang
VOV.Jarai - Kơnôl 15/10, ƀơi Gia Lai, Anom bruă Bruă mă mơ̆ng dêh čar pơsir tơlơi răm ƀăm mơ̆ng jrao hret hăng ayuh hyiăng, Ding jum ling tơhan hrŏm hăng ƀing gŏp pơphun jơnum pơtŏng glăi bruă gum djru laih anun bruă đĭ kyar tơlơi bơwih ƀong kơ mơnuih rơwen rơwô jô găng.
Mông jơnum hơmâo amăng kơčăo bruă “Pơplih klă tui tơlơi hơdip mơnuih rơwen rơwô jô găng ƀơi hơdôm boh tơring ƀing ayăt pruih jrao hret kơtang”, yua Kơnuk kơna Mi djru brơi, hơmâo ngă ƀơi Gia Lai hăng Quảng Ngãi mơ̆ng thun 2023.
Truh ră anai, Kơčăo bruă djru ba laih 741 čô mơnuih hơmâo tơlơi hơdip jơnap hloh laih anun 147 čô bơwih ƀong. Ƀơi mông jơnum, ƀing khua lăi bruă anai pơplih prong biă kơ tơlơi dưi ngă bruă, čem drơi pô, hơmâo prăk kăk laih anun hơdip hrŏm mơak amăng mơnuih tơpuôl. Lu mơnuih hơmâo djru bơwih ƀong dưi tuh pơ alin ngă mă pô, lu mơnuih hơmâo prăk lu tui.
Viết bình luận