Sang bruă khua tơhan tơring čar Dak Lăk rŭ đĭ sa per tơlang tơhan pơsăn drơi kơ lŏn ia ƀơi tơring čar Mondulkiri, dêh čar Kur
Thứ sáu, 10:46, 16/10/2026
VOV Tây Nguyên/Siu H'Mai Pơblang
VOV Tây Nguyên/Siu H'Mai Pơblang
VOV.Jarai - Per tơlang tơhan djai pơsăn drơi kơ lŏn ia phrâo hơâo Grup tơhan K51, Sang bruă khua tơhan tơring čar Dak Lăk kuai rŭ đĭ giăm čư̆ Nậm Nia, tơring čar Mondulkiri, dêh čar Kur, hrŏm hăng lu gơnam pơtui, amăng anun hơmâo ia get đong kač anăn “Hòan” laih anun kač “10-1966”.
Mơ̆ng hơdôm gơnam hơmâo ĕp ƀuh, khul pơsit anai lĕ tơlang tơhan pơsăn drơi kơ lŏn ia, kuai rŭ tui hăng tơlơi pơčrâo trun, laih anun ba glăi răk pioh klă, tŭi ñang hơ-ŭ pơ Pra yang tŭi ñang tơhan tơhan pơsăn drơi kơ lŏn ia mơ̆ng anom bruă. Tơlơi anai pơsit tơlơi gơgrong yom biă mă mơ̆ng bruă iâu pơthưr mơnuih ƀon sang lơ̆m hyu ĕp tơhan djai pơ dêh čar iao gah.
Tơdơi kơ giăm ha blan ngă bruă amăng bơyan phang 2026-2027, Grup tơhan K51 hơmâo pơtŏng lăng 50 tơlơi pơhing, kuai rŭ 5 per tơlang tơhan djai pơsăn drơi ƀơi tơring čar Mondulkiri. Pơ anăp dong, Grup tơhan K51, Sang bruă khua tơhan tơring čar Dak Lăk pok prong dong anih hyu ĕp, sem lăng hơdôm anih hmư̆ hing, hrŏm hăng gong gai laih anun iâu pơthưr mơnuih ƀon sang Kur pơthâo brơi dong./.
Viết bình luận