VOV4.Jarai-Tlam lơ 8/3, ƀơi tơring glông Čư̆ Mgar,  Đah kơmơi mut phung tơring čar Dak Lak jơnum pơphun tal pơkơtưn mă bruă yôm phara pioh čơkă mơak Jơnum ruah khua Khul đah kơmơi mut phung djop gưl, anăp nao jơnum ruah khua đah kơmơi mut phung dêh čar laih anun ruah khua pơ ala mơnuih ƀôn sang dêh čar tal 15, ruah khua pơ ala djop gưl thun 2021-2026.

Mông jơnum jao rơnoh prăk čan kơ 15 boh sang anŏ đah kơmơi djuai ƀiă ƀun rin

Tal pơkơtưn mă bruă anai, hơmâo 3 mơta bruă yôm phun kah hăng: Ngă tui klă akŏ bruă thun anăn “Akŏ pơjing khul kjăp kơtang, hur har akŏ pơdong ping gah, akŏ pơdong gong gai kơnuk kơna”; jak iâu đah kơmơi mut phung khŏm ngă bruă tŭ yua, thâo hluh tong ten kơ bruă pơkơtưn mă bruă, ngă klă hơdôm ring bruă “100 bruă mă, črăn bruă pioh kơ đah kơmơi mut phung, djru pơphun bruă mă bơwih ƀong huă, ngă hrom klă bruă jơnum ruah khua pơ ala dêh čar hăng pơ ala djop gưl pơ anăp.

Ƀơi mông jơnum, Đah kơmơi mut phung tơring čar Dak Lak hăng hơdôm sang bruă djru hrom prăk kăk čan pơsir bruă mă, brơi kơ 15 čô adơi amai mut phung đah kơmơi mơnuih djuai ania ƀiă ƀun rin čan abih tih 200 klăk prăk.

Nay Jek: Pơblang