VOV4.Jarai - Ƀrô hrơi ngă lơphet 90 thun Hrơi akŏ pơjing Khul hlăk ai mut phung rơnuk Hồ Chí Minh, amăng lơ 24/3, Hlăk ai Dak Lak hăng Dak Nông hơmâo pơphun pơbưp ƀing khua hlăk ai amăng djŏp rơwang thun ngă bruă. Ƀơi mông bưp, ƀing khua hơmâo ră ruai glăi gru grua hing ang mơng Hlăk ai rơnuk Hồ Chí Minh laih anun ră ruai, lăi nao hơdôm tơlơi klă hiam, tơlơi thâo rơgơi ngă bruă Hlăk ai čơđai anet hơmâo lu tơlơi tŭ yua. Hơdôm thun giăm anai, Khul hlăk ai rơnuk Hồ Chí Minh tơring čar Dak Lak jing anom bruă ngă bruă rơgơi na nao amăng dêh čar ta, ba jơlan hlâo amăng bruă mă mơng Hlăk ai hăng bruă mă mơng hlăk ai čơđai anet kual Dap Kơdư. Amăng tal anai mơn, hơmâo tơlơi jao mơng Khul hlăk ai mut phung rơnuk Hồ Chí Minh, Khua mua apăn bruă Hlăk ai tơring čar Dak Nông pơphun lăi pơthâo mơnuih ngă Kơ-iăng khua git gai Hlăk ai tơring čar Dak Nông tal 3, rơwang thun 2017-2022. Tui anun, ayong Trương Văn Bình, Khua anom pơphun bruă hlăk ai tơring čar, Kơ-iăng khua Khul pơlir hơbit hlăk ai tơring čar; amai H’Hồng, Khua Hlăk ai tơring glông Dak Glong hơmâo ruah ngă Kơ-iăng khua Hlăk ai tơring čar Dak Nông rơwang thun 2017-2022.

Khua mua hlăk ai pơpŭ kơ ƀing hlăk ai hơđăp

Siu H’Mai: Pơblang