VOV4.Jarai - Jơnum min ruah khua tơring čar Dak Lak hơmâo jao glăi hră čih anăn 14 čô hơmâo tơbiă anăn ba ruah ngă khua pơ ala mơnuih ƀon sang dêh čar tal 15 hăng 141 sŏp hră čih  anăn ƀing ba ruah ngă khua pơ ala mơnuih ƀon sang tơring čar tal 10, amăng anun hơmâo 1 čô rơkâo mă pô ba ruah ngă khua pơ ala mơnuih ƀon sang tơring čar. Ƀơi tal ruah khua anai, tơring čar Dak Lak hơmâo 3 anom bruă ruah khua pơ ala mơnuih ƀon sang dêh čar tal 15 hăng mrô khua pơ ala mơnuih ƀon sang dêh čar hơmâo ruah lĕ 9. Amăng anun, 5 čô khua pơ ala dŏ ngă bruă hăng dŏ hơdip ƀơi tơring čar, 4 čô hơmâo gơnong dlông pơƀuh anăn. Abih bang mrô khua pơ ala mơnuih ƀon sang tơring čar Dak Lak rơwang thun 2021-2026 hơmâo ruah lĕ 75 čô, hăng 20 anom bruă ba ruah; tŭ ư kah pơpha kơ hơdôm anom bruă, khul grup amăng tơring čar 44 čô khua hăng ƀơi tơring glông, plơi prong lĕ 31 čô khua. Tơdơi kơ hơmâo mă hră čih anăn, Jơnum min wai lăng djŏp djuai ania mơnuih mơnam Việt Nam tơring čar amra pơdah pơƀuh pơ Grup bơkơtuai bruă ruah khua tal 2 (amăng lơ 18/3/2021) đah mơng tŭ ư čih anăn pô hơmâo ba ruah ngă khua pơ ala mơnuih ƀon sang dêh čar hăng khua pơ ala mơnuih ƀon sang tơring čar.

Siu H’Mai: Pơblang