VOV4.Jarai-Lơ 26/3, ƀơi plơi prong Ƀuôn Ma Thuôt, Jơnum min mơnuih ƀôn sang tơring čar Dak Lak jơnum bơkơtuai anăn “Bơblih mrô-Anăp khom ngă mơ̆ng bruă pơđĭ kyar”, hơmâo giăm 500 čô mơnuih pơ ala djop anom bruă gơnong dlông hăng tơring čar amăng kual Tong krah, Dap Kơdư, khua mua djop tơring čar hăng lu mơnuih ngă bruă sĭ mơdrô, sang bruă ngă ƀong hrŏm amăng lăm hăng gah rơngiao tơring čar Dak Lak.

Ơi Nguyễn Huy Dũng Kơ-iăng Khua Ding jum Tơlơi pơhing hăng pôr pơthâo hlăk đĭ pơhiăp amăng mông jơnum

Jơnum bơkơtuai hơmâo 1 wơ̆t jơnum abih bang hăng 2 wơ̆t jơnum pơčrông sai bruă, lăi nao kơ akŏ bruă kah hăng: Bơblih mrô brơi kơ anom bruă gong gai kơnuk kơna; Bơblih mrô kơ Anom bruă sĭ mơdrô hăng Hơdră pơsir bơblih tơlơi rô nao rai mơnuih mơnam  tui hơdră ngă bruă pơkă amăng mrô.

Pơhiăp git gai jơnum, ơi Nguyễn Huy Dũng, Kơ-iăng Khua Ding jum Tơlơi pơhing hăng pôr pơthâo lăi rơđah hơdôm tơlơi gêh gal amăng mrô boh thâo ia rơgơi pơtrut pơđĭ kyar bơwih ƀong huă mơnuih mơnam, biă mă ñu, kiăng bơblih mrô tŭ yua hrŏm hăng ngă bruă khut khăt mơ̆ng khua mua ăt kiăng hơmâo tơlơi djru hrŏm mơ̆ng ƀing ngă bruă sĭ mơdrô.

Nay Jek: Pơblang