VOV4.Jarai - Dak Lak glăk amăng bơyan adai không phang pơ-iă hang laih, bruă kiăng yua apui lơtrik jai lu hloh. Kiăng pơhlôm hơmâo apui yua rơnuk rơnua, hơđong kơjăp, biă ñu lĕ pioh hơmâo ia pruih kơ hơdôm rơtuh ektar đang kơphê, tiu, Anom bruă apui lơtrik Dak Lak hơmâo ngă lu hơdră pơhlôm hơmâo apui yua amăng bơyan không phang anai.

Kông ñơn Apui lơtrik Buôn Hồ pơkra glăi apui lơtrik kiăng phrâo.

Ră anai, bruă mă yua apui lơtrik ƀơi Dak Lak đĭ năng ai ñu 7% laih pơhmu hăng tơđar thun hlâo. Kiăng pơhlôm hơmâo djŏp apui yua, PC Dak Lak hơmâo mă yua klă măi mini SCADA wai lăng, gư̆ mơng ataih; tañ ngă giong bruă tô nao rai hrĕ phrâo; jŭ yap dưm pơkra glăi măi jua apui đĭ trun kơ rim kual juăt yua apui lu hloh...Anom bruă apui lơtrik ăt pel ĕp apui lơtrik, ngă hrŏm hăng gong gai pơhlôm rơnuk rơnua hrĕ apui jua kơtang. Kông ti apui lơtrik Dak Lak kiăng abih bang 15 anom bruă hơmâo hơdră pơkĕ jua apui tañ hăng prăp lui măi pơđuăi jua apui đĭ trun pơhlôm lui hlâo, kiăng apui yua rơnuk rơnua, hơmâo apui yua na nao kơ ƀing tuai amăng kual.

Siu H’Mai: Pơblang