VOV4.Jarai - Mơguah lơ 22/3, Ping gah Dak lak pơphun Jơnum lăi pơthâo tơlơi pơtrun mơng Grup khua apăn bruă kơ bruă ruah mơnuih ngă khua. Tui anun, Grup khua apăn bruă Ping gah Dak Lak pơsit pơplih anih mă bruă hăng ruah ơi Y Vinh Tơr, Ding kơna ƀu sit nik Khul khua git gai Ping gah dêh čar, Ding kơna Grup apăn bruă Ping gah tơring čar, Khua git gai Ping gah plơi prong Buôn Hồ, ngă Kơ-iăng khua Jơnum min pơ ala mơnuih ƀon sang tơring čar mơng lơ 22/3/2021; Pơplih anih ngă bruă hăng ruah yă H’Lim Niê, Ding kơna Grup khua apăn bruă Ping gah tơring čar, Khua anom pơphun bruă Ping gah tơring čar ngă Khua anom bruă Nội chính Ping gah tơring čar; pơplih anih ngă bruă hăng ruah ơi Nguyễn Thượng Hải, Ding kơna apăn bruă Ping gah tơring čar, Khua anom bruă Ping gah tơring čar ngă Khua anom pơphun bruă Ping gah; ba nao hăng ruah ơi Trần Trung Hiển, ding kơna ping gah tơring čar, Khua git gai Ping gah tơring glông Krông Năng ngă Khua anom bruă Ping gah tơring čar Dak Lak. Amăng tal anai mơn, Ping gah tơring čar Dak Lak ăt iâu anăn yă Lê Thị Thanh Xuân, ding kơna Ping gah, Kơ-iăng khua gơnong bruă pơtô pơjuăt bruă tơring Dak Lak gum ngă bruă amăng Grup git gai bruă Ping gah, Grup khua apăn bruă Ping gah hăng hơmâo ruah ngă Khua git gai Ping gah plơi prong Buôn Hồ. Jao kơ ơi Y Bi On Niê, Kơ-iăng khua git gai Ping gah, Khua Jơnum min khua pơ ala mơnuih ƀon sang tơring glông Krông Năng git gai črâo bruă mă mơng Ping gah tơring glông truh hrơi hơmâo Khua git gai Ping gah tơring glông phrâo.

Dak Lak Jơnum lăi pơthâo tơlơi pơsit mơng Khua mua apăn bruă ping gah kơ bruă ruah mơnuih ngă khua.

Siu H’Mai: Pơblang