VOV4.Jarai-Tơdơi kơ sa rơwư̆ pơdơi hĭ yua pơčlah mơnuih mơnam hŭi klin Covid 19, tơring čar Dak Nôg brơi pok glăi anih mă bruă, hyu ngui lu mơnuih, kah hăng ngui ngor ƀong mơñum, pơtum lu mơnuih, ngă yang, gru grua mơak, pơrơguăt drơi jăn. Hrŏm hăng anun, tơring čar ăt pơtrun  hiăp brơi ngă tui djơ̆ hơdră pơhlôm, pơgang klin hŭi hơmâo tơlơi bơblih phrâo.

Tui hăng Jơnum min mơnuih ƀôn sang tơring čar Dak Nông, bruă brơi pơphun glăi tơlơi ngui ngor lu mơnuih mơnam, gru grua ngui ngor, pơrơguăt drơi jăn pơtum lu mơnuih mơnam lĕ yua klin Covid 19 ƀơi tơring čar dưi pơgăn laih.

Kiăng pơhlôm hơđong hloh kơ bruă pơgang klin Covid 19, Dak Nông pơtrun hiăp kơ anom bruă tuai čuă ngui pok pơhai hơdră pơsur tuai hyu ngui, laih anun ăt pok pơhai hơdră pơhlôm, pơgang klin Covid 19 tong ten. Rơngiao kơ anun, Dak Nông ăt pơtrut mơnuih ƀôn sang ăt khom truă bơnal gôm amăng bah mơdung; rao tơngan na nao hăng ia čơƀu, dŏ ataih tơdruă djơ̆ hnong pơkă.

Nay Jek: Pơblang