VOV4.Jarai - Tui hăng Khul apăn bruă Jơnum min djop djuai anai mơnuih mơnam tơring čar Dak Nông, amăng anăn čih jang jai 96 čô amra ruah ngă khua pơ ala mơnuih ƀon sang tơring čar tal IV, rơwang thun 2021-2026 hơmâo 36 čô lĕ khua mua pơ ala mơnuih ƀon sang tơring čar tal III; hơmâo 42 čô lĕ đah kơmơi, 36 čô hlăk ai; 21 čô mơnuih djuai ania ƀiă, 10 čô mơnuih aka mut Ping gah, 10 čô lĕ ƀing mơnuih tui đăo. Abih bang mrô mơnuih anai lêng kơ lăp djơ̆ tui tơlơi rơkâo, abih bang hơmâo arăng lăi pơthâo lêng kơ djơ̆ hăng hơnong pơkă kiăng kơ ruah ngă khua pơ ala  mơnuih ƀon sang tơring čar tal IV, rơwang thun 2021-2026.

Truh ră anai, abih bang 96 čô mơnuih amra ruah lêng kơ ƀu hơmâo tơlơi hơngah hơget ôh. Tui hăng tơlơi pơkă, tơdơi kơ hơmâo hră čih anăn jang jai, Jơnum min djop djuai ania mơnuih mơnam djop ƀon lan amra pơphun mông bưp mơnuih ƀon sang ƀơi plơi pla ƀing khua mua amra ruah đĭ. Tơdah ƀing gơñu ƀu hơmâo rơbêh 50% pok hră dong yua mơng mơnuih ƀon sang ƀơi anih ƀing gơñu dŏ hơdip amra tơbiă hĭ anăn amăng hră ruah đĭ ngă khua.

Siu Đoan: Pơblang