VOV4.Jarai - Lơ 19/3, ƀơi plơi prong Gia Nghĩa, jơnum min mơnuih ƀon sang tơring čar Dak Nông gum hrŏm hăng Khul hlăk ai tơring čar pơphun ngă Jơnum hơdră pla 1 klai phun kyâo mơtah mơda. Hăng anăn “Yua Việt Nam mơtah mơda” Jơlan hơdră hơmâo pơhưč rơbêh 200 čô mơnuih apăn bruă, mơnuih mă bruă, hlăk ai hăng mơnuih ƀon sang amăng plơi prong Gia Nghĩa mut hrŏm.

Rơbêh kơ 300 phun kyâo hơmâo arăng pơphun pla

Tơdơi kơ hrơi pơphun, rơbêh 300 phun kyâo hơmâo pla lơ̆m lu mơnuih gum tơngan hrŏm kơtuai tui jơlan ƀơi plơi pla phrâo pơdong Dak Nur B, phương Nghĩa Trung, plơi prong Gia Nghĩa. Ơi Lê Trọng Yên, Kơ-iăng Khua Jơnum min mơnuih ƀon sang tơring čar Dak Nông brơi thâo, jơlan hơdră pla kyâo amăng tơring čar amra tŏ tui pơtrut kơtang, pơhưč lu mơnuih gum hrŏm.

Siu Đoan: Pơblang