VOV4.Jarai-Ngă tui tơlơi pơtrun guang dar “Abih bang mơnuih ƀôn sang ngă hrom pơhlôm, pơgang klin Covid 19 laih anun pơgăn mut tơbiă ča čot” ƀơi kual guai dêh čar, djop puih kơđông tơhan pơgang guai dêh čar tơring čar Dak Nông hơmâo ngă hrom djop tơring glông, pơtô pơblang, jak iâu mơnuih ƀôn sang rơbêh 1000 boh sang anŏ dŏ giăm guai dêh čar čih anăn ƀuăn rong djru pơgăn mơnuih mut tơbiă ƀơi guai dêh čar, kiăng ngă tui pơhlôm pơgang klin Covid 19.

Hrom hăng bruă rong čih anăn ƀuăn pơhlôm, pơgang klin tui hăng gong gai kơnuk kơna plơi pla pơtrun, lơ̆m ƀuh mơnuih nao rai ča čot, mut tơbiă ƀơi guai dêh čar, mơnuih ƀôn sang lăi pơthâo mơtam hăng khua mua plơi pla, să anih gơñu dŏ, kiăng thâo tơlơi pơhing.

Mơnuih ƀôn sang ngă tui 3 mơta tơlơi ƀu hơmâo, ƀu tơbiă, ƀu mut, ƀu pơdop brơi mơnuih mut tơbiă ča čot ƀơi guai dêh čar; ƀu pơphun brơi mơnuih rô nao rai ča čot ôh ƀơi guai dêh čar.

Nay Jek: Pơblang