VOV4.Jarai - Ngă tui tơlơi ]râo ba mơng Ding jum kông ang, mơng lơ 1/1/2021, Kông ang tơring ]ar Daklak pơphun pơsit brơi phrâo, pơplih hră kak mơnuih [ôn sang jing hră kăn kươk hlă ]ip kơ mơnuih [ôn sang. Pơkă hlâo, truh abih blan 6/2021, kông ang tơring ]ar Daklak amra ngă giong bruă pơsit hră kak rơbêh kơ 1 klăk 600 rơbâo ]ô mơnuih djop tơlơi pơkă [ơi đơ đam tơring.

Phrâo anai, ơi Nguyễn Hồng Thái 62 thun, [ơi phường Tân Lợi, plơi prong Buôn Ma Thuột, nao pơ\ Anom bruă Kông ang pơgang apui [ong tơring ]ar Daklak pioh ngă tui bruă pơplih hră kak mơnuih jing hră kăn kươk hlă ]ip phrâo. ~u brơi thâo, gơnang kơ lăng tui kơja\p tơlơi lăi pơthâo mơng kông ang rơgao hơdôm măi mok pôr pơhing, anun `u ngă hră gêh gal, ta` rơguăt.

“Mơguah le\ kâo nao dăp glông, mă mrô ngă hră, laih anun do# tơguan truh kơ pô ngă hră. Lom dưi hmâo [ing kông ang anun pơtô bruă to\ng ten kah hăng: Lăi pơdah rơđah hơdôm tơlơi pơhing mơng pô hrơi blan thun tơkeng, plơi pla phun, anih do#; tơdơi kơ anun, [ing gơ`u pơtô brơi mă gru tơngan, ]ơphin rup, pơđut hăng bruă k^ anăn amăng hră ngă gru. Ngă giong le\ bơnah kông ang gơ`u brơi hră pơkă nao mă hăng mơ-^t truh tơl sang. Kâo [uh bruă ngă hră anai ta` rơguăt, ba glăi bôh tơhnal, hơdôm mông ngă hră kơnong mơng 7-10 mơnit đo#]”.

Pel e\p glông măi mok hlâo kơ ngă tui bruă pơsit hră kak

Tui hăng tơlơi pơkă, mơnuih [ôn sang lom nao ngă hră kăn kươk hlăk ]ip điện tử djă mă sa dua hră pơ-ar tui anai: Hră ako# sang phun; Hră kak mơnuih [ôn sang [udah hră kăn kươk hmâo mrô rek glông; Hơdôm hră pơ-ar djơ\ phiăn pơkon pơdah kơ tơlơi pơplih tơlơi pơhing amăng hră ako# sang (tơdah hmâo). Biă `u, ră anai mrô djă pioh amăng măi [ơi tơring ]ar hmâo dăp giong laih anun mơnuih [ôn sang lom nao ngă hră kăn kươk khom lăi pơthâo hơdôm hră ngă gru hơpă.

Tơring ]ar ră anai hmâo rơbêh kơ 1 klăk 600 rơbâo ]ô mơnuih djop tơlơi pơkă pơsir hră kăn kươk hlă ]ip tui tơlơi pơkă phrâo mơng Kơnuk kơna. Anai le\ hơdôm mơnuih hmâo hrơi tơkeng mơng lơ 1/7/2007 pơ\ tlôn, anun le\ djop 14 thun hăng lu hloh kơ 14 thun. Kiăng ngă tui bruă pơsit hră phrâo, pơplih hră kak jing hră kăn kươk hlă ]ip, Kông ang Daklak hmâo pơdo\ng laih 32 gru\p mă bruă djru bơwih brơi kơ mơnuih [ôn sang. Ding jum kông ang ăt hmâo pơsit brơi mơn kơ Daklak 32 per măi mok ngă hră kăn kươk hlă ]ip [ơi 15 bôh tơring glông, plơi prong hăng Anom wai lăng hră pơ-ar kơ hơđong mơnuih mơnam – Kông ang tơring ]ar.

Trung tá Kiều Thị Anh Tuyết, Khua gru\p ngă hră wai lăng anih do#, pơsit hră hăng wai lăng hră kak mơnuih [ôn sang – hră kăn kươk, Kông ang tơring ]ar Daklak, brơi thâo, amăng rơwang hrơi tơjuh blung a pok pơhai, anom hmâo pơsit brơi laih rơbêh kơ 1.250 ]ô mơnuih hră kăn kươk djuai phrâo tui tơlơi pơkă. Biă `u hmâo 21 pok hră kăn kươk hmâo pơsit brơi kơ Gru\p khua pơ ala Ping gah tơring ]ar nao pơhmư\ Jơnum khua pơ ala đơ đam dêh ]ar tal 13 mơng Ping gah pơ\ anăp.

“Kông ang tơring ]ar pơdo\ng abih bang hơdôm gru\p hyu mă bruă kiăng [ơi anăp le\ nao pơ\ anih anom mă bruă [irô, sang hră anih hrăm, anom bơwih [ong kiăng pơsit brơi kơ hơdôm mơnuih [ơi anai hlâo, tơdơi kơ anun le\ amra pơsit brơi kơ mơnuih pơkon. Bruă anai [ing gơmơi ăt hmâo pơdo\ng kơ]a\o bruă nao pơ\ hơdôm bôh să, phường, tơring kual, [ut mơnuih [ôn sang do#, plơi pla, kiăng ngă tui [ơ [rư\ kơ mơnuih [ôn sang. Yua mrô mơnuih ngă hră lu đơi hăng hrơi pơkă [ia\ anun [ing gơmơi amra kơtưn 3 ka mơguah, ]ơtlăm, mơmot hăng mă bruă wot hrơi 6 hăng hrơi tơjuh hlao. Hrưn đ^ truh lơ 30/6/2021 rơbêh kơ 1 klăk 600 rơbâo ]ô mơnuih djop 14 thun hăng lu hloh kơ 14 thun amra dưi pơsit hră kăn kươk hlă ]ip”.

Mơnuih [ôn sang Daklak dưi pơtô brơi hơdôm yak ngă hră kăn kươk phrâo

Kăn kươk hlă ]ip hmâo ano# pơhlôm kơja\p hloh hăng djă pioh lu tơlơi pơhing lăi nao hloh kơ hră kak mơnuih [ôn sang. Hră hlă ]ip ăt dưi pơ[u\t mă mơn tơlơi pơhing mơng hơdôm anom bruă pơkon kah hăng hră pơgang, [a\ng mơgăt rơdêh [udah tơlơi pơhing mrô pơkon. Hrom hăng anun, ]ip mă yua [ơi hră kăn kươk ngă tui tơlơi pơkă pơgang hơgom mơng ro\ng lo\n tơnah hăng Việt Nam. }ip hmâo bôh hră k^ mrô, dưi djă pioh gru tơngan, tơlơi pơhing mơnuih ngă hră kiăng pơsit rơđah anun ăt amra tơnap biă ngă mă ]a. Tơlơi pơhing kơ pô hră kăn kươk hlă ]ip dưi pơsit anăn păn djơ\, pơhro\ trun djop tơhnal kơ bruă ngă mă ]a. Mơng anun, kăn kươk phrâo pơhlôm biă mrô pơgang, biă `u amăng hơdôm tơlơi mă yua kơ bruă prăk kak.

Tui hăng tơlơi pơkă mă yua ră anai le\ mơnuih hmâo hră kak mơnuih [ôn sang 9 mrô, 12 mrô [udah hră kăn kươk hmâo mrô rek glông ăt dưi mă yua truh abih hrơi pơkă mă yua mơn. Ding jum kông ang pơtă mơnuih [ôn sang ta#o hloh pơplih jing hră kăn kươk hlă ]ip điện tử kiăng amu` mă yua hăng amu` wai lăng. Ră anai, hăng mơnuih ta hmâo pơsit hră kak mơnuih [ôn sang 9 mrô hăng 12 mrô [udah hră kăn kươk hmâo mrô rek glông amra dưi pơsit, pơplih [u mă prăk ôh hơdai nao hră kăn kươk hlă ]ip điện tử. Hăng mơnuih djop 14 thun hăng lu hloh kơ 14 thun lom ngă hră kăn kươk phrâo khom no#p prăk ngă hră pơ-ar 70.000 prăk./.

Siu H’ Prăk: Pô pơblang